കൊല്ലം: അണലിയെ പിടിക്കുന്നതിനിടെ കടിയേറ്റ് ചികിത്സയിലായിരുന്ന പാമ്പുപിടിത്തക്കാരനായ യുവാവ് മരിച്ചു. ചന്ദനത്തോപ്പ് ഐ.ടി.ഐ. വാര്‍ഡ് ചിന്തുഭവനില്‍ മണിലാലിന്റെ മകന്‍ ചിന്തുലാല്‍ (31) ആണ് മരിച്ചത്.
ചൊവ്വാഴ്ച വൈകീട്ട് ഏഴോടെയാണ് പാമ്പുകടിയേറ്റത്. ചന്ദനത്തോപ്പ് മുകളുവിള കശുവണ്ടി ഫാക്ടറിക്ക് സമീപത്തെ വീട്ടില്‍ നിന്ന് അണലിയെ പിടികൂടുന്നതിനിടെ ചിന്തുവിന് കടിയേല്‍ക്കുക ആയിരുന്നു.
പാമ്പു കടിയേറ്റ് കുഴഞ്ഞുവീണ ഉടന്‍ തന്നെ ചിന്തുവിനെ കൊല്ലത്തെ സ്വകാര്യ ആശുപത്രിയിലും പിന്നീട് തിരുവനന്തപുരം മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു. ഇവിടെ ചികിത്സയിലിരിക്കെ വ്യാഴാഴ്ച വെളുപ്പിന് മരിക്കുകയായിരുന്നു. അവിവാഹിതനാണ്. അമ്മ: ലൈലാമണി. പാമ്പുപിടിത്തക്കാരനായ ചന്തു ചന്ദനത്തോപ്പ് സഹോദരനാണ്.
Post Your Comments