അടിമാലി: കഞ്ചാവുമായി രണ്ടുപേര്‍ അടിമാലി നാർകോട്ടിക് എന്‍ഫോഴ്‌സ്‌മെന്റെ സ്‌ക്വാഡിന്റെ പിടിയിൽ. അടിമാലി ഇന്ദിര ഗാന്ധി കോളനിക്ക് സമീപത്തു നിന്ന് തലമാലിക്കുടി സ്വദേശി കൊല്ലിയത്ത് സിറിയക് ജോര്‍ജ്, അടിമാലി സ്വദേശി പഴമ്പിള്ളി ശ്രീകുമാര്‍ എന്നിവരാണ് കഞ്ചാവ് കൈമാറുന്നതിനിടെ പിടിയിലായത്. രണ്ടുകിലോ 50 ഗ്രാം കഞ്ചാവ് ഇവരിൽ നിന്ന് പിടിച്ചെടുത്തു.
ക്രിസ്മസ്-പുതുവത്സരാഘോഷത്തോടനുബന്ധിച്ച് മുമ്പ് കേസുകളില്‍ അകപ്പെട്ടിട്ടുള്ളവരെ നിരീക്ഷിച്ച് വരുന്നതിനിടയിലാണ് പ്രതികള്‍ പിടിയിലായതെന്ന് ഇന്‍സ്‌പെക്ടര്‍ ഷൈബു പറഞ്ഞു.
Read Also : ഗ്യാസ് സിലിണ്ടറിന് ലീക്ക് ഉണ്ടെന്നറിയാതെ വീട്ടമ്മ ഫ്രിഡ്ജ് തുറന്നതോടെ തീ പടര്‍ന്നു : വീട്ടമ്മയ്ക്ക് ദാരുണാന്ത്യം
പരിശോധനയില്‍ പ്രിവൻറിവ് ഓഫിസര്‍ എം.സി. അനില്‍, ടി.വി. സതീഷ്, സി.എസ്. വിനേഷ്, സിവില്‍ എക്‌സൈസ് ഓഫിസര്‍മാരായ കെ.എൻ. സിജുമോന്‍, എൻ.ജെ. മാനുവല്‍, പി. രാമകൃഷ്ണന്‍, ഡി.ആർ. അനീഷ്, സന്തോഷ് തോമസ്, ഡ്രൈവര്‍ നാസര്‍, സ്‌ക്വാഡ് അംഗങ്ങളായ അനൂപ് തോമസ്, പി.എം. ജലീല്‍ എന്നിവരടങ്ങുന്ന സംഘമാണ് പ്രതികളെ പിടികൂടിയത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
Post Your Comments