സിനിമാ പ്രേമികള്‍ ഒന്നടങ്കം ആകാംഷയോടെ കാത്തിരിക്കുന്ന ടൊവിനോ തോമസ് ബേസിൽ ജോസഫ് കൂട്ടുകെട്ടിലെത്തുന്ന ചിത്രമാണ് മിന്നല്‍ മുരളി. മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും നിര്‍മ്മിക്കപ്പെട്ടിരിക്കുന്ന ചിത്രത്തിന്റെ നെറ്റ്ഫ്‌ലിക്‌സ് റിലീസ് പ്രഖ്യാപിക്കപ്പെട്ടതോടെയാണ് മറുഭാഷാ സിനിമാപ്രേമികളും ഈ ചിത്രത്തിലേക്ക് ആകര്‍ഷിക്കപ്പെടുന്നത്.
പ്രേക്ഷകര്‍ക്കിടയിലെ ഈ ഹൈപ്പ് ഉപയോഗപ്പെടുത്തി വേറിട്ടൊരു പ്രമോഷന്‍ ആശയവുമായി രംഗത്തെത്തിയിരിക്കുകയാണ് നിര്‍മ്മാതാക്കള്‍. ‘മിന്നല്‍ മുരളി’ എന്ന പേരില്‍ ഒരു മൊബൈല്‍ ഗെയിം പുറത്തിറക്കാൻ ഒരുങ്ങുകയാണ്. അതീന്ദ്രീയ ശക്തികളുള്ള മിന്നല്‍ മുരളിയുടെ കുപ്പായത്തിലേക്ക് പ്രേക്ഷകര്‍ക്കും പ്രവേശിക്കാവുന്ന വിധമാണ് ഗെയിം ഡിസൈന്‍ ചെയ്തിരിക്കുന്നത്.
Read Also:- പുതിന വെള്ളത്തിന്റെ ആരോഗ്യഗുണങ്ങൾ
കാര്‍മോണ്ട് ഇന്‍ഫിനിറ്റി എന്ന സ്ഥാപനമാണ് ഗെയിം ഒരുക്കിയിരിക്കുന്നത്. ഗെയിം ആന്‍ഡ്രോയ്ഡിലും ഐഒഎസിലും ഉടന്‍ എത്തുമെന്നും അണിയറക്കാര്‍ അറിയിക്കുന്നു. അതേസമയം, നെറ്റ്ഫ്‌ളിക്‌സ് റിലീസിനു മുന്‍പ് ചിത്രത്തിന്റെ വേള്‍ഡ് പ്രീമിയര്‍ ജിയോ മാമി മുംബൈ ഫിലിം ഫെസ്റ്റിവലിലാണ് നടക്കുക. ചിത്രം ഡിസംബര്‍ 24ന് നെറ്റ്ഫ്‌ളിക്‌സിലും, ഡിസംബർ 16ന് ജിയോ മാമിയിലെ റിലീസ് ചെയ്യും.
Post Your Comments