അബുദാബി: 9 വയസുകാരന്റെ ആഗ്രഹം നിറവേറ്റി അബുദാബി പോലീസ്. ഒരു ദിവസമെങ്കിലും പോലീസ് ഉദ്യോഗസ്ഥനാകണമെന്ന കുട്ടിയുടെ ആഗ്രഹമാണ് അബുദാബി പോലീസ് സാക്ഷാത്ക്കരിച്ചത്. വിർജീനിയ ഇന്റർനാഷണൽ പ്രൈവറ്റ് സ്‌കൂളിലെ 9 വയസ്സുള്ള ഖലീഫ എന്ന വിദ്യാർത്ഥിയുടെ സ്വപ്‌നമാണ് അബുദാബി പോലീസിന്റെ സഹായത്തോടെ പൂവണിഞ്ഞത്.
പോലീസ് കുപ്പായവും തൊപ്പിയും ധരിച്ച് ഉദ്യോഗസ്ഥരോടൊപ്പം ജോലി ചെയ്യുന്ന ഖലീഫയുടെ ചിത്രങ്ങൾ ഇപ്പോൾ സാമൂഹ്യ മാദ്ധ്യമങ്ങളിൽ വൈറലാണ്. സ്റ്റേഷന്റെ വിപുലമായ കൺട്രോൾ സെന്ററിലും ഔദ്യോഗിക സുരക്ഷാ പട്രോളിംഗ് വാഹനത്തിലും പ്രവർത്തിക്കാനുള്ള അവസരം ഖലീഫയ്ക്ക് ലഭിച്ചു.
50-ാമത് യു.എ.ഇ ദേശീയ ദിനവും അന്തർദേശീയ വികലാംഗ ദിനവും ആഘോഷിക്കുന്ന വേളയിൽ ഖലീഫയുടെ ആഗ്രഹങ്ങൾ നിറവേറ്റുന്നതിൽ സന്തോഷമുണ്ടെന്ന് അബുദാബി പോലീസ് പറഞ്ഞു.
Post Your Comments