പെരുമ്പാവൂർ: നിരോധിത മയക്കുമരുന്നുമായി യുവാവ് അറസ്റ്റിൽ. വെങ്ങോല അല്ലപ്ര തോട്ടപ്പാടം കവല ഭാഗത്ത് ഒലിപ്പറമ്പിൽ വീട്ടിൽ റോഹൻ ഡിസിൽവയാണ് (25) പിടിയിലായത്. പെരുമ്പാവൂർ പൊലീസ് ആണ് ഇയാളെ പിടികൂടിയത്.
ഞായറാഴ്ച പുലർച്ച സംശയകരമായ സാഹചര്യത്തിൽ പെരുമ്പാവൂർ എം.സി റോഡ് ജങ്ഷന് സമീപം നിൽക്കുന്നതുകണ്ട ഇയാളെ തടഞ്ഞു നിർത്തി പരിശോധിച്ചപ്പോഴാണ് മയക്കുമരുന്നായ 40 ഗ്രാം എം.ഡി.എം.എ പിടികൂടിയത്.
ഇൻസ്പെക്ടർ ആർ. രഞ്ജിത്ത്, സബ് ഇൻസ്പെക്ടർമാരായ റിൻസ് എം.തോമസ്, ജോസി എം. ജോൺസൺ, എസ്.സി.പി.ഒ മാരായ ബാബു കുര്യാക്കോസ്, പി.എ. ഷിബു എന്നിവരാണ് അന്വേഷണ സംഘത്തിലുണ്ടായിരുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments