തേഞ്ഞിപ്പാലം: കാലിക്കറ്റ് യൂണിവേഴ്സിറ്റി കാമ്പസിൽ നിന്ന് ചന്ദനമരം മുറിച്ചു കടത്തിയ കേസില്‍ ഒരാൾ കൂടി അറസ്റ്റിൽ. പരപ്പനങ്ങാടി ഉള്ളണം സ്വദേശി മുഹമ്മദ് ഷബീര്‍ എന്ന ചാള ബാബു (34)വാണ് പിടിയിലായത്. തേഞ്ഞിപ്പാലം പൊലീസ് ആണ് പ്രതിയെ അറസ്റ്റ് ചെയ്തത്. ഇയാൾ ഒളിവിലായിരുന്നു.
മുമ്പ് കഞ്ചാവ് കേസില്‍ പ്രതിയായ ഇയാള്‍ 2016-ല് കാലിക്കറ്റ് യൂണിവേഴ്സിറ്റി കാമ്പസിൽ നിന്ന് ഒരു ചന്ദന മരവും ചേളാരി- മാതാപുഴ റോഡിലെ ഓക്സിജന്‍ പ്ലാൻറിന്റെ വളപ്പില്‍ നിന്ന് അഞ്ച് ചന്ദന മരവും മുറിച്ച് കടത്തിയ കേസിലെ പ്രതിയാണ്.
കേസിൽ 10 ദിവസം മുമ്പ് നാല് പേരെ അറസ്റ്റ് ചെയ്തിരുന്നു. തേഞ്ഞിപ്പലം സ്റ്റേഷന്‍ ഹൗസ് ഓഫിസര്‍ എന്‍.ബി. ഷൈജു, സബ് ഇന്‍സ്‌പെക്ടര്‍ സംഗീത് പുനത്തില്‍, സി.പി.ഒമാരായ ഷിബുലാല്‍, റഫീഖ് എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Post Your Comments