Jannah Theme License is not validated, Go to the theme options page to validate the license, You need a single license for each domain name.
Latest NewsIndiaInternational

വ്യാജപാസ്‌പോർട്ടിൽ ഹിന്ദു നാമം: മനുഷ്യക്കടത്ത് നടത്തുന്ന രണ്ട് റോഹിങ്ക്യകളെ കൊൽക്കത്തയിൽ യുപി എടിഎഎസ് പിടികൂടി

റോഹിങ്ക്യകൾക്കും ബംഗ്ലാദേശികൾക്കും വേണ്ടി ഹിന്ദു ഐഡന്റിറ്റിയുള്ള വ്യാജ ഇന്ത്യൻ പാസ്പോർട്ടുകൾ ഉണ്ടാക്കി ലോകത്തിന്റെ വിവിധ കോണുകളിലേക്ക് അയച്ചു.

കൊൽക്കത്ത: ബംഗ്ലാദേശികളെയും റോഹിങ്ക്യളെയും അനധികൃതമായി ഇന്ത്യയിലേക്കും വിദേശത്തേക്കും മനുഷ്യക്കടത്ത് നടത്തിയിരുന്ന രണ്ട് റോഹിങ്ക്യകളെ കൊൽക്കത്തയിൽ നിന്ന് ഉത്തർപ്രദേശ് തീവ്രവാദ വിരുദ്ധ സേന (എടിഎസ്) അറസ്റ്റ് ചെയ്തു. നൂർ ആലം, മുഹമ്മദ് ജമീൽ എന്നിവരാണ് പിടിയിലായത്. പ്രതികളായ നൂർ ആലമും മുഹമ്മദ് ജമീലും റോഹിങ്ക്യകൾക്കും ബംഗ്ലാദേശികൾക്കും വേണ്ടി ഹിന്ദു ഐഡന്റിറ്റിയുള്ള വ്യാജ ഇന്ത്യൻ പാസ്പോർട്ടുകൾ ഉണ്ടാക്കി ലോകത്തിന്റെ വിവിധ കോണുകളിലേക്ക് അയച്ചു.

ഗൾഫ്, ദക്ഷിണാഫ്രിക്ക, കോംഗോ എന്നിവിടങ്ങളിലേക്കാണ് ഇവരെ അയച്ചതെന്ന് എടിഎസ് ഉദ്യോഗസ്ഥൻ പറഞ്ഞു. ദക്ഷിണാഫ്രിക്കയിലും ലണ്ടനിലും വ്യാപിച്ച അന്താരാഷ്‌ട്ര മനുഷ്യക്കടത്ത് റാക്കറ്റിൽ ഉൾപ്പെട്ട പശ്ചിമ ബംഗാളിലെ 24 പർഗാന ജില്ലയിലെ സമീർ മണ്ഡല് (45), പഞ്ചാബിലെ ഹോഷിയാർപൂരിൽ നിന്നുള്ള വിക്രം സിംഗ് എന്നിവരെ നവംബറിൽ യുപി എടിഎസ് അറസ്റ്റ് ചെയ്തിരുന്നു. ബംഗ്ലാദേശ്, മ്യാൻമർ പൗരന്മാരെ കടത്തിയ കേസിൽ കഴിഞ്ഞ മാസം അറസ്റ്റിലായ മിഥുൻ മണ്ഡല്, ഷോൺ അഹമ്മദ്, മോമിനൂർ ഇസ്ലാം, മഹേന്ദി ഹസൻ എന്നീ നാലുപേരെ ചോദ്യം ചെയ്ത ശേഷമാണ് ഇരുവരുടെയും അറസ്റ്റ്.

ഒക്ടോബർ 26ന് ഇതേ മനുഷ്യക്കടത്ത് കേസിൽ മുഗൾസരായിലെ ദീൻ ദയാൽ ഉപാധ്യ റെയിൽവേ സ്റ്റേഷനിൽ നിന്ന് മിഥുൻ മണ്ഡൽ, ഷോൺ അഹമ്മദ്, മോമിനൂർ ഇസ്ലാം, മഹേന്ദി ഹസൻ എന്നിവരെ പിടികൂടിയിരുന്നു. ബംഗ്ലാദേശികളും റോഹിങ്ക്യകളും ഉൾപ്പെടുന്നതാണ് ഈ മനുഷ്യക്കടത്ത് റാക്കറ്റ്. അറസ്റ്റിലായ നൂർ മുഹമ്മദ്, റഹ്മത്ത് ഉള്ള, ഷാബിയുള്ള എന്നിവർ ബംഗ്ലാദേശികളെയും റോഹിങ്ക്യകളെയും ഇന്ത്യയിൽ അനധികൃതമായി താമസിപ്പിക്കാൻ പണം കൈപ്പറ്റുന്നവരായിരുന്നു.

shortlink

Related Articles

Post Your Comments

Related Articles


Back to top button