കടുത്തുരുത്തി: പൊതു സ്ഥലത്ത് തർക്കം പരിഹരിക്കാൻ ഇടപെട്ട പെരുവ മൈലെള്ളുംതടത്തില്‍ രതീഷിന് (40) കുത്തേറ്റു. സംഭവത്തിൽ മുന്‍ പൊലീസുകാരന്‍ കണ്ണൂര്‍ ഇരിട്ടി ആനന്ദവിലാസത്തില്‍ പ്രസാദിനെ (50) പൊലീസ് അറസ്റ്റ് ചെയ്തു. വെള്ളൂര്‍ പൊലീസ് ആണ് പ്രതിയെ അറസ്റ്റ് ചെയ്തത്.
ഞായറാഴ്ച രാവിലെ 8.30ഓടെ പെരുവ ജങ്ഷനിലായിരുന്നു സംഭവം.സംഭവത്തെ കുറിച്ച് പൊലീസ് ഭാഷ്യമിങ്ങനെ: പെരുവ ജങ്ഷനില്‍ ബസ് കാത്തുനിൽക്കുന്നതിനിടെ ഇടുക്കി സ്വദേശിയായ റെജിയും പ്രസാദും തമ്മിൽ തർക്കമുണ്ടായി. തുടർന്ന് പ്രസാദ് മര്‍ദിക്കാന്‍ ശ്രമിച്ചതോടെ അതുവഴിവന്ന ബസിലേക്ക് റെജി ഓടിക്കയറി. പിന്നാലെയെത്തിയ പ്രസാദ് വീണ്ടും ആക്രമിക്കാന്‍ ശ്രമിക്കുമ്പോഴാണ് രതീഷ് ഇടപെടുന്നത്. ഇതിനിടെയാണ് പ്രസാദിന്റെ കുത്ത് രതീഷിനേൽക്കുന്നത്. ബഹളത്തിനിടെ റെജി ബസില്‍ നിന്നുമിറങ്ങി ഓട്ടോറിക്ഷയില്‍ കയറി രക്ഷപ്പെട്ടു.
Read Also : അജ്ഞാത ജീവിയുടെ ആക്രമണം തുടരുന്നു : ഗുരുതര പരിക്കേറ്റ് പശുക്കിടാവ് ചത്തു
നാട്ടുകാര്‍ അറിയിച്ചതിനെ തുടര്‍ന്ന് വെള്ളൂര്‍ സി.ഐ. പ്രസാദിന്റെ നേതൃത്വത്തിൽ പൊലീസ് പ്രതി പ്രസാദിനെ അറസ്റ്റ് ചെയ്തു. കോടതിയില്‍ ഹാജരാക്കിയ ശേഷം പ്രതിയെ റിമാന്‍ഡ് ചെയ്തു.
Post Your Comments