മേപ്പാടി: കുന്നമ്പറ്റയിൽ വീണ്ടും കാട്ടാനയുടെ ആക്രമണം. യുവാവിന് ഗുരുതര പരിക്കേറ്റു. സിത്താറംവയൽ സ്വദേശി വാഴക്കോടൻ ഹമീദിന്റെ മകൻ സിദ്ദീഖിനാണ് (39) ആനയുടെ ആക്രമണത്തിൽ ഗുരുതര പരിക്കേറ്റത്. ഇയാൾ കുന്നമ്പറ്റ ആനന്ദ് എസ്‌റ്റേറ്റിൽ പശുക്കളെ മേയ്ക്കുകയായിരുന്നു. ഇതിനിടെയാണ് ആന ആക്രമിച്ചത്.
ആനയുടെ ആക്രമണത്തിൽ ഗുരുതരമായി പരിക്കേറ്റ ഇയാളെ ആദ്യം കൽപറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും നില ഗുരുതരമായതിനാൽ കോഴിക്കോട് മെഡിക്കൽ കോളജ് ആശുപത്രിയിലേക്ക് കൊണ്ടുപോയി.
Read Also: മയക്കുമരുന്നും കഞ്ചാവുമായി മൂന്നുപേർ അറസ്റ്റിൽ
മാസങ്ങൾക്കു മുമ്പ് ഇവിടെ കാട്ടാനയുടെ ആക്രമണത്തിൽ പാർവതി എന്ന തോട്ടം തൊഴിലാളി മരിച്ചിരുന്നു. വർഷങ്ങൾക്കു മുമ്പ് എരുമക്കൊല്ലി സ്വദേശിയും കൊല്ലപ്പെട്ടിരുന്നു. പ്രദേശത്ത് വന്യജീവി പ്രതിരോധവേലി അടക്കമുള്ള നടപടികൾ യാഥാർഥ്യമായിട്ടില്ല. സംഭവത്തെ തുടർന്ന് പ്രദേശവാസികൾ ഭീതിയിലാണ്.
Post Your Comments