പാരിപ്പള്ളി: ദമ്പതികളെ ലോറിയിടിച്ചിട്ടശേഷം മാരകമായി ഉപദ്രവിച്ച കേസിലെ പ്രതി അറസ്റ്റിൽ. കഴിഞ്ഞ ജൂലൈ ആറിന് പാരിപ്പള്ളി ഇ.എസ്.ഐ ജങ്ഷന് സമീപം ആണ് സംഭവം. സംഭവുമായി ബന്ധപ്പെട്ട് ഇ.എസ്.ഐ ജങ്ഷനു സമീപം കോലായിൽ വീട്ടിൽ അജീഷി(24) നെയാണ് പാരിപ്പള്ളി പൊലീസ് അറസ്റ്റ് ചെയ്തത്.
ഇ.എസ്.ഐ ജങ്ഷന് സമീപം തൻസീനാ മൻസിലിൽ ബദറുദ്ദീൻ (52), ഭാര്യ സബീനാ ബീവി (48) എന്നിവർ സഞ്ചരിച്ച സ്കൂട്ടർ പ്രതി ലോറി കൊണ്ട് ഇടിച്ചിട്ടു. തുടർന്ന് പ്രതി, റോഡ് സൈഡിലേക്ക് തെറിച്ചു വീണ ദമ്പതികളെ ക്രൂരമായി മർദിക്കുകയായിരുന്നു.
തുടർന്ന് ഒളിവിൽ പോയ ഇയാൾ തിരികെ നാട്ടിലെത്തിയതായി സിറ്റി പൊലീസ് കമീഷണർ ടി. നാരായണന് ലഭിച്ച രഹസ്യവിവരം ലഭിച്ചിരുന്നു. ഇതിന്റെ അടിസ്ഥാനത്തിൽ ചാത്തന്നൂർ എ.സി.പി ബി. ഗോപകുമാറിന്റെ നിർദേശാനുസരണം പാരിപ്പള്ളി ഐ.എസ്.എച്ച്.ഒ അൽജബർ, എസ്.ഐമാരായ അനൂപ് സി. നായർ, പ്രദീപ്, എ.എസ്.ഐ നന്ദകുമാർ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments