പ​ട്ടാ​പ്പ​ക​ൽ ആ​ളി​ല്ലാ​തി​രു​ന്ന സ​മ​യ​ത്ത് വീ​ടിന്റെ ഓ​ട് പൊ​ളി​ച്ച് മോ​ഷ​ണം : ര​ണ്ടു​പേ​ർ അ​റ​സ്റ്റിൽ​

കൊ​ട്ടി​യം: പ​ട്ടാ​പ്പ​ക​ൽ ആ​ളി​ല്ലാ​തി​രു​ന്ന സ​മ​യ​ത്ത് വീ​ടിന്റെ ഓ​ട് പൊ​ളി​ച്ച് മോഷണം നടത്തിയ സംഭവത്തിൽ ര​ണ്ടു​പേ​ർ അ​റ​സ്​​റ്റി​ൽ. വീടിന്റെ അകത്ത് കയറിയ മോഷ്ടാക്കൾ അ​ല​മാ​ര​യു​ടെ പൂ​ട്ട് വെ​ട്ടി​പ്പൊ​ളി​ച്ച് സ്വ​ർ​ണ​വും പ​ണ​വും മോഷ്ടിക്കുകയായിരുന്നു. തൃ​ക്കോ​വി​ൽ​വ​ട്ടം മു​ഖ​ത്ത​ല പാ​ങ്കോ​ണം കൊ​ച്ചു​കു​ന്ന​ത്തു​വി​ള വീ​ട്ടി​ൽ ഉ​ദ​യ​ൻ (40), തൃ​ക്കോ​വി​ൽ​വ​ട്ടം വെ​റ്റി​ല​ത്താ​ഴം പ​ന​മ്പി​ൽ വീ​ട്ടി​ൽ ശി​വ​ജി എ​ന്നി​വ​രെയാണ് കൊ​ട്ടി​യം പൊ​ലീ​സ് അറസ്റ്റ് ചെയ്തത്.

തൃ​ക്കോ​വി​ൽ​വ​ട്ടം വെ​റ്റി​ല​ത്താ​ഴം ഡീ​സ​ൻ​റ്മു​ക്ക് ദി​വ്യ പാ​ക്കി​ങ്​ സെൻറ​റി​ന് സ​മീ​പം ച​രു​വി​ള​വീ​ട്ടി​ൽ മ​ഹേ​ശ​ൻ​പി​ള്ള​യു​ടെ വീ​ട്ടി​ലെ അ​ല​മാ​ര വെ​ട്ടി​പ്പൊ​ളി​ച്ച് അ​ര​പ്പ​വ​ൻ തൂ​ക്കം വ​രു​ന്ന ര​ണ്ട് സ്വ​ർ​ണ​മോ​തി​ര​ങ്ങ​ളും ഏ​ക​ദേ​ശം 10,000 രൂ​പ​യു​മാ​ണ്​ മോ​ഷ്​​ടി​ച്ച​ത്.

Read Also: സ്പാ​ ജീ​വ​ന​ക്കാ​രി​യെ കെ​ട്ടി​യി​ട്ട് മ​ർ​ദി​ച്ച കേസ് : പ്ര​ധാ​ന പ്ര​തി അ​റ​സ്​​റ്റി​ൽ

സി​റ്റി പൊ​ലീ​സ്​ ക​മീ​ഷ​ണ​ർ​ക്ക് ല​ഭി​ച്ച ര​ഹ​സ്യ​വി​വ​ര​ത്തിന്റെ അ​ടി​സ്​​ഥാ​ന​ത്തി​ൽ ചാ​ത്ത​ന്നൂ​ർ എ.​സി.​പി​യു​ടെ നി​ർ​ദേ​ശാ​നു​സ​ര​ണം കൊ​ട്ടി​യം ഐ.​എ​സ്.​​എ​ച്ച്.​ഒ ജിം​സ്​​റ്റ​ൽ, എ​സ്.​​ഐ​മാ​രാ​യ സു​ജി​ത്ത് ജി. ​നാ​യ​ർ, റെ​ക്സ​ൺ, സി.​പി.​ഒ ബി​ജു എ​ന്ന​വ​ര​ട​ങ്ങി​യ സം​ഘ​മാ​ണ് പ്ര​തി​യെ അ​റ​സ്​​റ്റ്​ ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ്​ ചെ​യ്തു.