കാ​ർ വാ​ട​ക​ക്കെ​ടു​ത്ത​ശേ​ഷം മറിച്ച് വിറ്റ കേസ് : പ്രതി റിമാൻഡിൽ

റാ​ന്നി: കാ​ർ വാ​ട​ക​ക്കെ​ടു​ത്ത​ശേ​ഷം മറിച്ച വിറ്റ കേസിൽ ഒരാൾ അറസ്റ്റിൽ. കോ​ട്ട​യം നെ​ടു​ങ്ങാ​ട​പ്പ​ള്ളി ബ​ഥ​നി ഹൗ​സി​ൽ താ​മ​സി​ക്കു​ന്ന ഗോ​ഡ്​​ലി ദേ​വ് (46) ആ​ണ് പി​ടി​യി​ലാ​യ​ത്. റാന്നി സ്വദേശിയാണ് ഇയാൾ. വ​ട​ശ്ശേ​രി​ക്ക​ര കി​ട​ങ്ങി​ൽ അ​ജി​ലാ​ൽ ഒ​രു​മാ​സം മു​മ്പ് റാ​ന്നി പൊ​ലീ​സി​ല്‍ ന​ൽ​കി​യ പ​രാ​തി​യി​ലാ​ണ് അ​റ​സ്​​റ്റ്​.

കാർ വാടകയ്ക്കെടുത്ത ശേഷം പ​ണം ന​ല്‍കാ​തെ മ​റി​ച്ചു​വിൽക്കുകയായിരുന്നു. വാ​ട​ക​യാ​യി 1.50 ല​ക്ഷം രൂ​പ ന​ൽ​കാ​മെ​ന്ന്​ പ​റ​ഞ്ഞാ​ണ് കാ​ര്‍ വാ​ങ്ങി​യ​ത്. നി​ര​ന്ത​രം ബ​ന്ധ​പ്പെ​ട്ടി​ട്ടും കാ​റോ പ​ണ​മോ ന​ല്‍കാ​ന്‍ ഗോ​ഡ്​​ലി ത​യാ​റാ​യി​ല്ല. തുടർന്ന് അ​ജി​ലാ​ല്‍ റാ​ന്നി പൊ​ലീ​സ് സ്​​റ്റേ​ഷ​നി​ൽ പ​രാ​തി ന​ൽ​കി​യ​തോ​ടെ ഗോ​ഡ്​​ലി മു​ങ്ങുകയായിരുന്നു. പ​ല​ത​വ​ണ ഇ​യാ​ൾ കാ​ർ കൈ​മാ​റി​യ​താ​യും അ​വ​സാ​നം 2.25 ല​ക്ഷം രൂ​പ​ക്ക്​ ക​ണ്ണൂ​ര്‍ പ​ഴ​യ​ങ്ങാ​ടി സ്വ​ദേ​ശി സ​നൂ​പി​ന് വി​റ്റെ​ന്നും റാ​ന്നി എ​സ്.​ഐ എ​സ്.​ടി. അ​നീ​ഷ് പ​റ​ഞ്ഞു. ഇ​തേ കാ​ർ വാ​ട​ക​ക്ക്​ കൊ​ടു​ത്ത്​ ല​ഭി​ച്ച 1.50 ല​ക്ഷം രൂ​പ​യും ഇ​യാ​ൾ ത​ട്ടി​യെ​ടു​ത്തു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.

Read Also: ​രോ​ഗിയെ വീടിനുള്ളിൽ തൂങ്ങി മരിച്ചനിലയിൽ കണ്ടെത്തി

അതേസമയം എ​റ​ണാ​കു​ളം കേ​ന്ദ്രീ​ക​രി​ച്ചു​ള്ള വാ​ഹ​ന​ത്ത​ട്ടി​പ്പ്​ സം​ഘ​ത്തി​ലെ ക​ണ്ണി​യാ​ണ് ഇ​യാ​ളെ​ന്ന് സം​ശ​യി​ക്കു​ന്ന​താ​യി പൊ​ലീ​സ് പ​റ​ഞ്ഞു. ഇ​യാ​ൾ വേ​റെ​യും വാ​ഹ​ന​ങ്ങ​ൾ ത​ട്ടി​യെ​ടു​ത്തി​ട്ടു​ണ്ടെ​ന്ന് പൊ​ലീ​സ് സം​ശ​യി​ക്കു​ന്നു​ണ്ട്. 25 ല​ക്ഷം രൂ​പ​യു​ടെ ലോ​ൺ ത​ര​പ്പെ​ടു​ത്താ​മെ​ന്ന് പ​റ​ഞ്ഞ് തൃ​ശൂ​ർ സ്വ​ദേ​ശി​യു​ടെ പ​ക്ക​ൽ ​നി​ന്ന് 2.25 ല​ക്ഷം രൂ​പ വാ​ങ്ങി​യ​തി​നും കേ​സു​ണ്ട്. ഇ​യാ​ൾ​ക്കെ​തി​രെ പ​ത്തോ​ളം പ​രാ​തി​ക​ൾ ല​ഭി​ച്ച​താ​യും എ​സ്.​ഐ പ​റ​ഞ്ഞു.