കാഞ്ഞങ്ങാട്: എംഡിഎംഎ മയക്കുമരുന്നുമായി യുവാവ് അറസ്റ്റിൽ. ഞാണിക്കടവ് സ്വദേശി നൗഫലിനെ (30)യാണ് മയക്കുമരുന്ന് കാറില്‍ കടത്താൻ ശ്രമിക്കവെ ഹൊസ്ദുര്‍ഗ് എസ്‌ഐ ശ്രീജേഷ് അറസ്റ്റ് ചെയ്തത്.
എസ്‌ഐയുടെ നേതൃത്വത്തിലുള്ള പൊലീസ് കോട്ടച്ചേരി ബസ് സ്റ്റാന്‍ഡില്‍ വാഹനപരിശോധന നടത്തുന്നതിനിടെയാണ് ഇയാളെ പിടികൂടിയത്. നൗഫലിന്‍റെ കാര്‍ പരിശോധിച്ചപ്പോള്‍ മയക്കുമരുന്നടങ്ങിയ പൊതി കണ്ടെടുക്കുകയായിരുന്നു.
തുടർന്ന് കാറും, മയക്കുമരുന്നും പൊലീസ് കസ്റ്റഡിയിലെടുത്ത് അറസ്റ്റ് രേഖപ്പെടുത്തുകയായിരുന്നു. ഹൊസ്ദുര്‍ഗ് ജുഡീഷല്‍ ഒന്നാംക്ലാസ് മജിസ്‌ട്രേറ്റ് (ഒന്ന്) കോടതി രണ്ടാഴ്ചത്തേക്ക് പ്രതിയെ റിമാന്‍ഡ് ചെയ്തു.
Post Your Comments