മുംബൈ: ആഡംബരക്കപ്പലിലെ മയക്കുമരുന്ന് കേസില്‍ അറസ്റ്റിലായ മകന്‍ ആര്യൻ ഖാന് ജാമ്യം ലഭിച്ചത് ആഘോഷമാക്കി ഷാരൂഖ് ഖാന്. ആര്യന്‍ ഖാന് ജയിലിലായതിന് ശേഷം ഷാരൂഖ് പൊതുവേദികളില്‍ എത്തിയിരുന്നില്ല. എന്നാൽ വ്യാഴാഴ്ച ആര്യൻ ഖാന് ജാമ്യം ലഭിച്ചതിന് ശേഷം തന്റെ അഭിഭാഷക സംഘത്തിനൊപ്പം ബാന്ദ്രയിലെ വസതിയായ മന്നത്തിൽ ഷാരൂഖ് സന്തോഷം പങ്കുവയ്ക്കുന്ന ചിത്രങ്ങള്‍ സോഷ്യൽ മീഡിയയിലൂടെ പുറത്തുവന്നു.
കേസിൽ ബോംബെ ഹൈകോടതിയാണ് ആര്യൻ ഖാന് ജാമ്യം അനുവദിച്ചത്. മറ്റ് പ്രതികളായ അര്‍ബാസ് മര്‍ച്ചന്‍റ്, മുന്‍മുണ്‍ ധമേച്ച എന്നിവര്‍ക്കും കോടതി ജാമ്യം അനുവദിച്ചിട്ടുണ്ട്. 21 ദിവസത്തെ ജയില്‍വാസത്തിന് ശേഷമാണ് ആര്യന്‍ ഖാന് പുറത്തിറങ്ങുന്നത്. കേസുമായി ബന്ധപ്പെട്ട് ഒക്ടോബര് മൂന്നിനാണ് ബോളിവുഡ് താരം ഷാരൂഖ് ഖാന്റെ മകന്‍ ആര്യന്‍ ഖാനെ അറസ്റ്റ് ചെയ്തത്. ആര്യന്‍റെ സുഹൃത്തുക്കളായ അര്‍ബാസ് മര്‍ചന്‍റ്, മുണ്‍മുണ്‍ ധമേച്ച എന്നിവരും പിടിയിലായിരുന്നു.
മദ്യം അനുവദിക്കില്ല: സോഷ്യൽ മീഡിയാ പ്രചാരണത്തിലെ വാസ്തവം എന്തെന്ന് വ്യക്തമാക്കി സൗദി അറേബ്യ
‘ആര്യന്‍ ഖാനെ ഒടുവില്‍ ഹൈക്കോടതി ജാമ്യത്തില്‍ വിട്ടയച്ചു. 2021 ഒക്ടോബര് 2-ന് കസ്റ്റഡിയിലെടുത്ത ആദ്യ നിമിഷം മുതല്‍ ഞങ്ങള്‍ ഉയര്‍ത്തിയ, ആര്യന്‍ മയക്കുമരുന്ന് കൈവശം വെച്ചിട്ടില്ല, തെളിവില്ല, ഉപഭോഗമില്ല, ഗൂഢാലോചനയില്ല എന്ന ഞങ്ങളുടെ വാദം കോടതി അംഗീകരിച്ചതില്‍ സന്തോഷമുണ്ട്’. ആര്യൻ ഖാന്റെ അഭിഭാഷക സംഘം ജാമ്യം കിട്ടിയതിനുപിന്നാലെ പുറത്തിറക്കിയ പ്രസ്താവനയിൽ പറയുന്നു.
ആര്യന്‍ ഖാന് സ്ഥിരമായി മയക്കുമരുന്ന് ഉപയോഗിക്കുന്നുവെന്നും മയക്കുമരുന്ന് വിതരണക്കാരുമായി ബന്ധം പുലര്‍ത്തുന്നുവെന്നും ചൂണ്ടിക്കാട്ടി പ്രത്യേക കോടതി ആര്യന്‍ ഖാന് ജാമ്യം നിഷേധിക്കുകയും ഒക്ടോബര് 30വരെ ജുഡീഷ്യല്‍ കസ്റ്റഡി നീട്ടുകയും ചെയ്തിരുന്നു. കേസിൽ ആര്യന്‍റെ സുഹൃത്തായ ബോളിവുഡ് താരം അനന്യ പാണ്ഡെയെ കഴിഞ്ഞദിവസങ്ങളില്‍ എന്‍സിബി ചോദ്യം ചെയ്തിരുന്നു.
Post Your Comments