തിരുവനന്തപുരം: കേരള വീട്ടമ്മമാരുടെ ക്ഷേമനിധി ബോര്‍ഡ് രൂപീകരിക്കണമെന്ന ആവശ്യമുന്നയിച്ചു പ്രതിപക്ഷ എം.എല്‍.എ ടിവി ഇബ്രാഹിം അവതരിപ്പിച്ച ബില്ലിനെതിരെയാണ് കെ.കെ.രമ രംഗത്ത്. കേള്‍ക്കുമ്പോള്‍ വളരെ സ്ത്രീ സൗഹൃദമെന്നു തോന്നാമെങ്കിലും അടിസ്ഥാനപരമായി പെണ്ണിനെ അടുക്കളയില്‍ തന്നെ തളച്ചിടാനുള്ള ഉപാധിയായെ ഈ ബില്‍ ഉപകരിക്കൂ എന്ന് രമ പറഞ്ഞു.
‘സ്ത്രീകള്‍ അടുക്കളയില്‍ മാത്രം കഴിയേണ്ടവരല്ല, അടുക്കള ജോലിക്ക് പെന്‍ഷന്‍ ഏര്‍പ്പെടുത്തിയല്ല സഭ സ്ത്രീകളോട് നീതി കാണിക്കേണ്ടത്. അവര്‍ക്ക് സ്വന്തമായി തൊഴില്‍ ചെയ്യാനും സ്വതന്ത്രമായി വരുമാനമുണ്ടാക്കാനും കഴിയും വിധം അടുക്കളയില്‍ നിന്നും മോചിപ്പിക്കുകയാണ് വേണ്ടത്’- കെ കെ രമ പറഞ്ഞു.
‘ഒരു പുസ്തകം വായിക്കാനോ, സ്വതന്ത്രമായി ചിന്തിക്കാനോ, ചെറു വിനോദങ്ങളില്‍ ഏര്‍പ്പാടന്‍ പോലും കഴിയാതെ അടുക്കള ജോലിയില്‍ കുടുങ്ങി കിടക്കുകയാണ് സ്ത്രീകള്‍. ക്ഷേമനിധി ഏര്‍പ്പെടുത്തി വീണ്ടും അവരുടെ തളച്ചിടുന്നതിനു പകരം പൊതുഅടുക്കള എന്ന പുരോഗമന ചിന്തയിലേക്കാണ് നമ്മുടെ നിയമസഭ എത്തിച്ചേരേണ്ടതുണ്ട്’- രമ കൂട്ടിചേര്‍ത്തു.
Post Your Comments