വടകര: പാർസൽ വാങ്ങാനെത്തിയ ജന്മഭൂമി ലേഖകനും ഭാര്യയ്ക്കും സാമൂഹിക വിരുദ്ധരുടെ അതിക്രമം. വടകര ലേഖകന്‍ കീഴല്‍ സ്വദേശിയായ നവനീത് കൃഷ്ണനും ഭാര്യക്കും നേരെയാണ് ചൊവ്വാഴ്ച രാത്രി അതിക്രമം നടന്നത്. രാത്രിയില്‍ ദേശീയപാതയിലെ എം.ആര്‍.എ ബേക്കറിയില്‍ ഭക്ഷണം പാര്‍സല്‍ വാങ്ങാനെത്തിയ ഇരുവരെയും സാമൂഹ്യ വിരുദ്ധർ ഉപദ്രവിക്കുകയായിരുന്നു .
പാഴ്സലിന് കാത്തുനില്‍ക്കുന്നതിനിടയില്‍ ഒരാള്‍ ദമ്പതികളുടെ ഫോട്ടോ മൊബൈലില്‍ പകര്‍ത്താൻ ശ്രമിച്ചു, എന്നാൽ തത്സമയം തന്നെ ഇയാളെ പിടികൂടി മൊബൈലില്‍ പകര്‍ത്തിയ ഫോട്ടോകള്‍ ഹോട്ടല്‍ ജീവനക്കാരുടെ സാന്നിധ്യത്തില്‍ ഡിലീറ്റ് ചെയ്യിച്ച ശേഷം അയാളെ പുറത്തേക്ക് വിട്ടയക്കുകയും ചെയ്തിരുന്നു.
എന്നാൽ ദമ്പതികൾ ഭക്ഷണം വാങ്ങി പുറത്തേക്ക് ഇറങ്ങിയപ്പോള്‍ ഫോട്ടോ എടുത്ത വ്യക്തിയും മറ്റു രണ്ടുപേരും സംഘം ചേര്‍ന്ന് ഇരുവരെയും തടഞ്ഞ് നിര്‍ത്തി അസഭ്യം പറയുകയും, അതിക്രമിക്കുകയും ചെയ്യുകയായിരുന്നു. തുടർന്ന് ഇരുവരും വടകര പൊലീസില്‍ പരാതിയി നൽകുകയായിരുന്നു.
Post Your Comments