കുവൈത്ത് സിറ്റി: ഷോപ്പിങ് മാളിലുണ്ടായ സംഘർഷത്തിനിടെ ഒരാൾക്ക് കുത്തേറ്റു. കുവൈത്തിലാണ് സംഭവം. ഇവിടുത്തെ പ്രമുഖ ഷോപ്പിങ് മാളിൽ ഒരുകൂട്ടം യുവാക്കൾ തമ്മിലാണ് സംഘർഷം ഉണ്ടായത്.
സാൽമിയ പോലീസ് സ്റ്റേഷനിൽ നിന്നുള്ള ഉദ്യോഗസ്ഥർ സ്ഥലത്തെത്തി പ്രദേശത്തിന്റെ നിയന്ത്രണം ഏറ്റെടുത്തു. കുത്തേറ്റ് ഗുരുതരമായി പരിക്കേറ്റ യുവാവിനെ പോലീസാണ് ആശുപത്രിയിലെത്തിച്ചത്.
യുവാവിനെ കുത്തിയ ശേഷം രക്ഷപ്പെട്ടവരെ ശർഖ് പൊലീസിന്റെ സഹായത്തോടെ പിടികൂടി. സംഘം ഉപയോഗിച്ച ആയുധങ്ങളും പോലീസ് കണ്ടെടുത്തിയത്. പിടിയിലായവരെ തുടർ നടപടികൾക്കായി ബന്ധപ്പെട്ട അധികൃതർക്ക് കൈമാറിയിട്ടുണ്ടെന്ന് പൊലീസ് അധികൃതർ അറിയിച്ചു. നിയമം എല്ലാവർക്കും ബാധകമാണെന്നും ഇത്തരം സംഭവങ്ങൾ ഒരു തരത്തിലും അംഗീകരിക്കാനാവില്ലെന്നും പോലീസ് അറിയിച്ചു.
Read Also: ഷഹീൻ ചുഴലിക്കാറ്റ്: ബസ്, ഫെറി സർവ്വീസുകൾ താത്ക്കാലികമായി നിർത്തി ഒമാൻ
Post Your Comments