ചെന്നൈ: കോളേജിലേക്ക് പോകുന്ന വഴിയിൽ വെച്ച് 21കാരിയെ സുഹൃത്തായ യുവാവ് കുത്തിക്കൊന്നു. കൊലപാതകത്തിന് ശേഷം ആത്മഹത്യയ്ക്ക് ശ്രമിച്ച യുവാവ് (25) ആശുപത്രിയിൽ ചികിത്സയിൽ കഴിയുകയാണെന്ന് അസിസ്റ്റന്‍റ് കമ്മീഷണർ ആർ. മുരുകേഷൻ പറഞ്ഞു.
താംബരം റെയിൽവേ സ്റ്റേഷന് സമീപം നടന്ന സംഭവത്തിൽ മദ്രാസ് ക്രിസ്റ്റ്യൻ കോളജിൽ ആറുമാസത്തെ ലാബ് ടെക്നോളജി ഡിപ്ലോമ കോഴ്സിന് പഠിക്കുന്ന ശ്വേതയാണ് മരിച്ചത്. സുഹൃത്ത് രാമചന്ദ്രന്റെ കുത്തേറ്റ ശ്വേതയെ ഉടൻ തന്നെ ആശുപത്രിയിൽ എത്തിച്ചെങ്കിലും മരിച്ചു.
താംബരം റെയിൽവേ സ്റ്റേഷനിൽ നിന്ന് പുറത്തേക്കിറങ്ങി എതിർവശത്തുള്ള കോളജിലേക്ക് പോകുന്ന സമയത്തായിരുന്നു രാമചന്ദ്രൻ ശ്വേതയെ ആക്രമിച്ചത്. സ്വകാര്യ കമ്പനിയിലെ ജീവനക്കാരനാണ് രാമചന്ദ്രൻ. രാമചന്ദ്രനെതിരെ പോലീസ് കൊലപാതകക്കുറ്റം ചുമത്തി കേസെടുത്തു. ട്രെയിൻ യാത്രക്കിടെ പരിചയപ്പെട്ട ഇരുവരും തമ്മിൽ പ്രണയത്തിലായിരുന്നുവെന്നും കൊലപാതകത്തിനുള്ള കാരണം എന്താണെന്ന് അന്വേഷിച്ച് വരികയാണെന്നും കമ്മീഷണർ അറിയിച്ചു.
Post Your Comments