ദേശീയ അവാര്‍ഡ് നേടിയ നടനും, നല്ലൊരു മനുഷ്യനുമാണ്: സല്യൂട്ട് ചെയ്യുന്നതില്‍ എന്താണ് പ്രശ്‌നമെന്ന് എസ്‌ഐ സാം ലെസ്ലി

കൊച്ചി : സല്യൂട്ട് വിവാദം ചർച്ചയായിരിക്കുന്ന വേളയിൽ രാജ്യസഭാംഗം സുരേഷ് ഗോപിയെ ചോദിക്കാതെ തന്നെ സല്യൂട്ട് ചെയ്ത എസ്‌ഐ സാം ലെസ്ലി വിശദീകരണവുമായി രംഗത്ത്. നല്ലൊരു മനുഷ്യന്‍ എന്ന നിലയിൽ അദ്ദേഹത്തോട് ആദരവുണ്ടെന്നും അതുകൊണ്ടാണ് സല്യൂട്ട് ചെയതെന്നും എസ്‌ഐ സാം ലെസ്ലി പറഞ്ഞു. ഇന്നലെ ചേരാനെല്ലൂരില്‍ ബിജെപിയുടെ സ്മൃതികേരം പദ്ധതി പരിപാടിക്ക് എത്തിയപ്പോഴായിരുന്നു സാം ലെസ്ലി സുരേഷ് ഗോപിയെ സല്യൂട്ട് ചെയ്തത്.

‘ആരും നിര്‍ബന്ധിച്ചതൊന്നുമല്ല, കലാകാരന്‍ എന്ന നിലയിലും നല്ലൊരു മനുഷ്യന്‍ എന്ന നിലയിലും എനിക്ക് അദ്ദേഹത്തോട് ആദരവുണ്ട്. അദ്ദേഹം ദേശീയ അവാര്‍ഡ് നേടിയ നടനാണ്. അങ്ങനെയൊരാളെ സല്യൂട്ട് ചെയ്യുന്നതില്‍ എന്താണ് പ്രശ്‌നം?’- സാം ലെസ്ലി ചോദിച്ചു. അതേസമയം, സല്യൂട്ട് ചെയ്തപ്പോള്‍ സുരേഷ് ഗോപി അടുത്ത് വിളിച്ച് സംസാരിച്ചതായും സാം ലെസ്ലി പറഞ്ഞു.

Read Also  :  സുൽത്താൻ ഹൈതം ബിൻ താരിഖിന്റെ സ്‌ഫടിക നിർമ്മിത സ്മാരക സ്റ്റാമ്പ് പുറത്തിറക്കി ഒമാൻ

മിന്നൽ ചുഴലിക്കാറ്റിൽ നാശനഷ്ടമുണ്ടായ പുത്തൂരിൽ എത്തിയപ്പോഴാണ് എംപിയെ കണ്ടിട്ടും പൊലീസ് ജീപ്പില്‍ തന്നെയിരുന്ന എസ്‌ഐയെ വിളിച്ചുവരുത്തി സുരേഷ് ഗോപി സല്യൂട്ട് അടിപ്പിച്ചത്. ‘ഞാനൊരു എംപിയാണ്. മേയറല്ല, സലൂട്ടൊക്കെ ആകാം. ശീലമൊന്നും മറക്കല്ലേ’-എന്നായിരുന്നു പൊലീസ് ഉദ്യോഗസ്ഥനോട് സുരേഷ് ഗോപിയുടെ പ്രതികരണം.