ന്യൂഡല്‍ഹി: പ്രധാനമന്ത്രി നരേന്ദ്രമോദിയെ നേരിടാൻ നെഹ്റു കുടുംബത്തിനെ പിൻതള്ളി കോണ്‍ഗ്രസ് നേതാവ് കപില്‍ സിബൽ രംഗത്ത്. മുന്‍ കേന്ദ്രമന്ത്രിയും കോണ്‍ഗ്രസ് നേതാവുമായ കപില്‍ സിബലിന്റെ വസതിയില്‍ നടന്ന അത്താഴവിരുന്നിലൂടെയാണ് കോൺഗ്രസിന്റെ രാഷ്ട്രീയ ഭാവി തന്നെ തീരുമാനിക്കുന്ന ചില നീക്കങ്ങൾ ഉണ്ടായത്.
Also Read:മദ്യ ലഹരിയില്‍ യുവതികള്‍: നിയന്ത്രണം വിട്ട കാര്‍ ഇടിച്ച് സ്വിഗി ഡെലിവറി ബോയ് മരിച്ചു
തിങ്കളാഴ്ച രാത്രി ഡല്‍ഹിയില്‍ വച്ച് നടന്ന ചടങ്ങില്‍ പ്രതിപക്ഷത്തെ നിരവധി നേതാക്കള്‍ പങ്കെടുത്തു. കപില്‍ സിബലിന്റെ ജന്മദിനാഘോഷത്തോടനുബന്ധിച്ചായിരുന്നു അത്താഴവിരുന്ന്. എന്നാല്‍ സര്‍ക്കാറിനെതിരായ പ്രതിഷേധ പരിപാടികള്‍ തീരുമാനിക്കുന്നതിനൊപ്പം കോണ്‍ഗ്രസിന്റെ നെഹ്റു കുടുംബ വാഴ്ചയെക്കുറിച്ചും ചർച്ച നടന്നുവെന്നാണ് റിപ്പോർട്ടുകൾ സൂചിപ്പിക്കുന്നത്.
അതേസമയം, പ്രമുഖ നേതാക്കളായ സോണിയ ഗാന്ധി, രാഹുല്‍ ഗാന്ധി, പ്രിയങ്ക ഗാന്ധി എന്നിവര്‍ യോഗത്തില്‍ പങ്കെടുത്തിരുന്നില്ല. നെഹ്റു കുടുംബത്തില്‍നിന്ന് കോണ്‍ഗ്രസിനെ മോചിപ്പിച്ചാല്‍ മാത്രമേ പുനരുജ്ജീവനം സാധ്യമാകൂവെന്ന് ചില നേതാക്കള്‍ അഭിപ്രായപ്പെട്ടതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തിട്ടുണ്ട്.
Post Your Comments