ഉത്തർപ്രദേശിലെ ബ്ലോക്ക് പഞ്ചായത്ത് തെരഞ്ഞെടുപ്പിലും തകർപ്പൻ വിജയം സ്വന്തമാക്കി ബിജെപി : തകർന്നടിഞ്ഞു കോൺഗ്രസ്

ലക്‌നൗ : ഉത്തർപ്രദേശിലെ ബ്ലോക്ക് പഞ്ചായത്ത് തെരഞ്ഞെടുപ്പിലും തകർപ്പൻ വിജയം സ്വന്തമാക്കി ബിജെപി. പകുതിയിലധികം സീറ്റുകളും എൻഡിഎ തൂത്തുവാരി. 825 ബ്ലോക്ക് പഞ്ചായത്തുകളിൽ 635 ലും എൻഡിഎ സഖ്യം ജയിച്ചു. തെരഞ്ഞെടുപ്പിൽ കനത്ത തിരിച്ചടിയാണ് കോൺഗ്രസിന് നേരിടേണ്ടിവന്നത്. പത്തിൽ താഴെ സീറ്റുകൾ മാത്രമാണ് കോൺഗ്രസിന് നേടാനായത്.

Read Also : സൂര്യദേവനെ ഭജിക്കുന്നത് കൊണ്ടുള്ള ഗുണങ്ങൾ 

സമാജ്‌വാദി പാർട്ടിയുടെ കോട്ടയായ അസംഗഢ് പിടിച്ചെടുത്തായിരുന്നു ബിജെപി വിജയം ഇരട്ടിമധുരമുള്ളതാക്കിയത്. ഇവിടെ ആകെയുള്ള 22 സീറ്റുകളിൽ 12 ഉം ബിജെപി നേടി.
ലക്‌നൗ, കന്നൗജ് എന്നിവിടങ്ങളിലെ ബ്ലോക്ക് പഞ്ചായത്തുകൾ പൂർണമായും ബിജെപി നേടി. ലക്‌നൗവിലും കന്നൗജിലും ആകെയുള്ള എട്ട് സീറ്റുകളും സ്വന്തമാക്കിയാണ് ബിജെപി പുതു ചരിത്രം കുറിച്ചത്.

മൊറാദാബാദിൽ ആറ് സീറ്റുകളും, ഭദോഹിയിൽ മൂന്ന് സീറ്റുകളും ബിജെപി നേടി.
സിതാപൂരിലാണ് കൂടുതൽ സീറ്റുകളിൽ ബിജെപി വിജയിച്ചത്. 15 സീറ്റുകളാണ് ഇവിടെ പാർട്ടി സ്വന്തമാക്കിയത്. ഹർദോയിലും ആഗ്രയിലും 14 വീതം സീറ്റുകൾ നേടി.