കൊച്ചി: പശുക്കളുടെ മേല്‍ ആസിഡാക്രമണം. എറണാകുളം ജില്ലയിലെ കോതമംഗലം കവളങ്ങാട് പഞ്ചായത്തിലാണ് സംഭവം. സാമൂഹ്യവിരുദ്ധരാണ് പശുക്കളുടെ മേല്‍ ആസിഡ് ഒഴിച്ചത്. നാലു പശുക്കള്‍ക്ക് സാരമായി പൊള്ളലേറ്റു.
read also:കോവാക്സിന് ലോകാരോഗ്യ സംഘടനയുടെ അടിയന്തര ഉപയോഗാനുമതി ഉടൻ
രാവിലെ മേയ്ക്കാന്‍ വിട്ട പശുക്കള്‍ക്ക് നേരെയാണ് ആക്രമണം ഉണ്ടായത്. വൈകീട്ട് വീട്ടിലേക്ക് തിരികെ കൊണ്ടുവരാന്‍ പോയപ്പോഴാണ് പശുക്കളുടെ മേല്‍ ആസിഡ് ഒഴിച്ചത് ശ്രദ്ധയില്‍പ്പെട്ടത്. ഇതിനെ തുടർന്ന് പശുക്കളുടെ ഉടമകള്‍ പൊലീസില്‍ പരാതി നല്‍കി. സമാനമായ സംഭവങ്ങള്‍ ഇതിനു മുൻപും ഉണ്ടായിട്ടുണ്ടെന്ന് പ്രദേശവാസികള്‍ പറയുന്നു. സംഭവത്തില്‍ പൊലീസ് അന്വേഷണം ആരംഭിച്ചു.
Post Your Comments