ബംഗളൂരു: ബിനീഷ് കോടിയേരി തന്റെ അക്കൗണ്ടിലുള്ള കോടികള്‍ വരുന്ന പണത്തിന്റെ ഉറവിടം വെളിപ്പെടുത്തി. പിതാവിനെ ശുശ്രൂഷിക്കുന്നതിന്റെ ഭാഗമായി സമര്‍പ്പിച്ച ജാമ്യ ഹര്‍ജി പരിഗണിക്കവെയാണ് ബിനീഷ് ഇക്കാര്യം കര്‍ണാടക ഹൈക്കോടതിയെ അറിയിച്ചത്. നിയമപ്രകാരമുള്ള ആദായ നികുതി താന്‍ കൃത്യമായി അടച്ചിട്ടുണ്ടെന്ന് ബിനീഷ് കോടതിയില്‍ അറിയിച്ചു.
‘വ്യാപാരം, ക്രിക്കറ്റ് ക്ലബ് നടത്തിപ്പ്, സിനിമ അഭിനയം എന്നിവ തന്റെ തൊഴിലാണ്. അതില്‍ നിന്നു വന്ന പണമാണ് അക്കൗണ്ടിലെത്തിയത്’- ബിനീഷ് കോടിയേരി പറഞ്ഞു. അതേസമയം, അക്കൗണ്ടിലെ തുക മുഴുവന്‍ ബിനീഷിന്റെ വരുമാനമല്ലെന്നും അദ്ദേഹത്തിന്റെ അഭിഭാഷകന്‍ കോടതിയെ അറിയിച്ചു. ജാമ്യഹര്‍ജി പരിഗണിക്കുന്നത് കോടതി അടുത്ത ബുധനാഴ്ചത്തേക്ക് മാറ്റി. ഇത് പതിമൂന്നാം തവണയാണ് കേസ് ഹൈക്കോടതി പരിഗണിച്ചത്.
ഏഴ് വര്‍ഷത്തിനിടെ അഞ്ചര കോടിയോളം രൂപ ബിനീഷിന്റെ അക്കൗണ്ടിലെത്തിയെന്നാണ് ഇ ഡി കണ്ടെത്തിയിരിക്കുന്നത്. ഇതില്‍ മൂന്നര കോടി രൂപയ്ക്ക് ആദായ നികുതി അടച്ചിട്ടില്ലെന്നും ഇ ഡി പരിശോധനയില്‍ വ്യക്തമായിട്ടുണ്ട്.
Post Your Comments