സംസ്ഥാനത്ത് അനാഥരായത് 42 കുട്ടികൾ; ഞെട്ടിക്കുന്ന കോവിഡ് മരണങ്ങളുടെ കണക്കുകൾ പുറത്തു വിട്ട് സർക്കാർ

തി​രു​വ​ന​ന്ത​പു​രം: സം​സ്ഥാ​ന​ത്ത് ഇതുവരെ അ​നാ​ഥ​രാ​യ​ത് 42 കു​ട്ടി​ക​ളെ​ന്ന് സ​ര്‍​ക്കാ​ര്‍. കോവിഡ് വ്യാപിച്ചു മരിച്ചവരുടെ കുട്ടികളുടെ എണ്ണമാണ് സർക്കാർ പുറത്തു വിട്ടിരിക്കുന്നത്. കോ​ട്ട​യം ജി​ല്ല​യി​ലാ​ണ്​ ഏ​റ്റ​വും കൂ​ടു​ത​ല്‍ കുട്ടികൾ അനാഥരായിട്ടുള്ളത്. എ​ട്ടു കു​ട്ടി​ക​ൾക്കാണ് അവരുടെ തണലുകൾ നഷ്ടപ്പെട്ടിരിക്കുന്നത്. തൃ​ശൂ​രി​ല്‍ ഏ​ഴും തി​രു​വ​ന​ന്ത​പു​ര​ത്ത്​ ആ​റും കു​ട്ടി​ക​ള്‍ അ​നാ​ഥ​രാ​യി. ക​ണ്ണൂ​ര്‍, മ​ല​പ്പു​റം ജി​ല്ല​ക​ളി​ല്‍ കോ​വി​ഡ്​ മൂ​ലം അ​നാ​ഥ​രാ​യ കു​ട്ടി​ക​ളി​ല്ലെന്ന ആശ്വാസവും ഈ കണക്കുകൾക്കിടയിലുണ്ട്.

Also Read:വട്ടിയൂർക്കാവിൽ സ്കൂട്ടർ മോഷണം; യുവാക്കൾ അറസ്റ്റിൽ

മാ​താ​പി​താ​ക്ക​ളി​ല്‍ ഒ​രാ​ളെ ന​ഷ്​​ട​മാ​യ 980 കു​ട്ടി​ക​ളു​ണ്ട് സംസ്ഥാനത്ത്. ജി​ല്ലാ ശി​ശു​സം​ര​ക്ഷ​ണ ഓ​ഫീസ​ര്‍​മാ​ര്‍ വ​ഴി പ​രി​ശോ​ധ​ന ന​ട​ത്തി ഉ​റ​പ്പു​വ​രു​ത്തി​യാ​ണ്​ പ​ട്ടി​ക ത​യാ​റാ​ക്കി​യ​ത്. രാജ്യത്താകമാനം 1700 കുട്ടികളാണ് കോവിഡ് മൂലം അനാഥരായിട്ടുള്ളത്. മാതാപിതാക്കളിൽ ഒരാളെ നഷ്ടപ്പെട്ടത് 7400 പേർക്കാണ്.
കേ​ന്ദ്ര സ​ര്‍​ക്കാ​റി​ന്റെ ബാ​ല്‍ സ്വരാജ് പോ​ര്‍​ട്ട​ലി​ല്‍ വി​വ​ര​ങ്ങ​ള്‍ അ​പ്‌​ലോ​ഡ് ചെ​യ്ത​തി​നു​പു​റ​മെ കേ​ന്ദ്ര വ​നി​താ ശി​ശു​ക്ഷേ​മ മ​ന്ത്രാ​ല​യ​ത്തി​നും സംസ്ഥാനം വി​വ​ര​ങ്ങ​ള്‍ കൈ​മാ​റി.

സം​ര​ക്ഷ​ണ​വും ക​രു​ത​ലും ആ​വ​ശ്യ​മു​ള്ള കു​ട്ടി​ക​ളെ ക​ണ്ടെ​ത്തു​ന്ന​തി​നാ​യാ​ണ് ബാൽസ്വ​രാ​ജ് പോ​ര്‍​ട്ട​ല്‍ ആ​രം​ഭി​ച്ച​ത്. കോ​വി​ഡ് പ​ശ്ചാ​ത്ത​ല​ത്തി​ല്‍ ഇ​തിന്‍റ ഉ​പ​യോ​ഗം വി​പു​ലീ​ക​രി​ച്ച​താ​യി ക​മീ​ഷ​ന്‍ അ​റി​യി​ച്ചി​ട്ടു​ണ്ട്. കോവിഡ് തുടർന്നുകൊണ്ടിരിക്കുന്ന സാഹചര്യത്തിൽ ഇനിയും മരണസംഖ്യ ഉയർന്നേക്കാനിടയുണ്ട്. ഇനിയും കുട്ടികൾ അനാഥരായേക്കാൻ ഇടയുണ്ട്. അതുകൊണ്ട് കൃത്യമായ ചികിത്സ സംസ്ഥാനത്തും രാജ്യത്തും കൂടുതൽ ഉറപ്പ് വരുത്തേണ്ടതുണ്ട്.

2020 മാർച്ചിൽ നിന്ന് 2021 ലേക്കെത്തിയപ്പോൾ കോവിഡ് മരണങ്ങൾ രാജ്യത്ത് ഏറ്റവും ഉയർന്ന സ്ഥിതിയിലാണ് ഉണ്ടായിരുന്നത്. 3.32 ലക്ഷം പേരാണ് ഇന്ത്യയിൽ കോവിഡ് മൂലം മരണപ്പെട്ടിരിക്കുന്നത്. ഒഡിഷയിലാണ് ഏറ്റവും കുറവ് മരണനിരക്ക് രേഖപ്പെടുത്തിയിട്ടുള്ളത്. കശ്മീർ,തെലുങ്കാന,ആസാം എന്നിവിടങ്ങളിലും അയ്യായിരത്തിൽ താഴെയാണ് മരണപ്പെട്ടവരുടെ കണക്കുകൾ. മെയ്‌ അവസാനത്തോടെ മരണനിരക്കിൽ വന്ന കുറവ് വലിയ ആശ്വാസമാണ് രാജ്യത്തിനു നൽകുന്നത്.