തലസ്ഥാനത്ത് നിന്ന് 54 ലീറ്റർ വ്യാജ മദ്യം പിടികൂടി

വർക്കല; എക്സൈസ് സംഘം വർക്കല, പുത്തൻചന്ത, ചെറുന്നിയൂർ, ഒറ്റൂർ ഭാഗങ്ങളിൽ നടത്തിയ പരിശോധനയിൽ മൂങ്ങോട് ക്രിസ്ത്യൻ പള്ളിക്കു സമീപത്തു നിന്നു കാറിൽ കടത്താൻ ശ്രമിച്ച 54 ലീറ്റർ വ്യാജ വിദേശമദ്യം കണ്ടെത്തി പിടികൂടിയിരിക്കുന്നു. മൂങ്ങോട് സ്വദേശി ഷാനു ഭവനിൽ ഷാനു അലക്സിനെ പ്രതിയാക്കി കേസ് എടുത്തിരിക്കുന്നു. പ്രതി എക്സൈസ് സംഘത്തെ കണ്ടു കാറിൽ നിന്നു ഇറങ്ങി ഓടി രക്ഷപ്പെടുകയുണ്ടായി. മദ്യശാലകൾ അടഞ്ഞു കിടക്കുന്ന സാഹചര്യം മുതലാക്കി അനധികൃത മദ്യം വിൽപനയാണു ലക്ഷ്യമിട്ടിരിക്കുന്നത്. വർക്കല എക്സൈസ് റേഞ്ച് ഇൻസ്പെക്ടർ കെ. വിനോദിന്റെ നേതൃത്വത്തിലുള്ള സംഘമാണ് വ്യാജ മദ്യവും കാറും പിടികൂടിയത്.