തിരുവനന്തപുരം : യൂണിവേഴ്‌സിറ്റി കോളേജിൽ നടന്ന സംഘർഷവുമായി ബന്ധപ്പെട്ട് യൂണിറ്റ് റൂമിൽ പോലീസ് നടത്തിയ പരിശോധനയിൽ കത്തികളും മദ്യകുപ്പിയും കണ്ടെത്തി.മൂന്ന് കത്തികളും ഒരു മദ്യക്കുപ്പിയുമാണ് പോലീസിന് പരിശോധനയിൽ ലഭിച്ചത്.
അതേസമയം കോളേജിലുണ്ടായ അക്രമം കേരളത്തിന് ആകെ നാണക്കേടെന്ന് കേന്ദ്രമന്ത്രി വി. മുരളീധരൻ. ആഭ്യന്തര വകുപ്പിന്റെ അറിവോടെയാണ് പ്രതികൾ ഒളിവിൽ പോകുന്നത്. ഗുണ്ടായിസത്തിന്റെയും മയക്കുമരുന്നിന്റെയും കേന്ദ്രമായി യൂണിവേഴ്‌സിറ്റി കോളേജ് മാറുന്നുവെന്നും മുരളീധരൻ പറഞ്ഞു.
കോളേജിൽ ഇന്നലെ ഉണ്ടായ സംഘർഷത്തിൽ പ്രിൻസിപ്പലിനെതിരെ വിമർശനവുമായി കോൺഗ്രസ് നേതാവ് എം എം ഹസൻ. പ്രിൻസിപ്പലിനെ സസ്‌പെൻഡ് ചെയ്യണമെന്ന് ഹസൻ ആവശ്യപ്പെട്ടു. പ്രകോപനമില്ലാതെ നടന്ന അക്രമമാണ്. ആക്രമികളെ ഉടൻ അറസ്റ്റ് ചെയ്യണമെന്നും ഹസൻ ആവശ്യപ്പെട്ടു. എസ്എഫ്‌ഐ പ്രവർത്തകരുടെ ആക്രമണത്തിൽ പരിക്കേറ്റ് ചികിത്സയിൽ കഴിയുന്ന അഖിലിനെ സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു ഹസൻ. അഖിൽ അപകടനില തരണം ചെയ്തുവെന്നും അദ്ദേഹം പറഞ്ഞു.
Post Your Comments