ഡഗ്ലസ് കോസ്റ്റ ഇനി ബ്രസീലിൽ പന്തുതട്ടും

ബ്രസീലിയൻ താരം ഡഗ്ലസ് കോസ്റ്റ ബ്രസീലിലേക്ക് ചേക്കേറുന്നു. ബ്രസീലിയൻ ക്ലബായ ഗ്രാമിയോയാണ് കോസ്റ്റയെ സ്വന്തമാക്കിയത്. യുവന്റസിൽ നിന്ന് ലോൺ അടിസ്ഥാനത്തിലാകും തുടക്കത്തിൽ കോസ്റ്റ ഗ്രാമിയോയിൽ കളിക്കുക. ബ്രസീലിലേക്ക് ചേക്കേറുന്നതിനായി താരം തന്റെ ശമ്പളം വെട്ടിക്കുറച്ചിട്ടുണ്ടെന്നാണ് റിപ്പോർട്ട്.

ലോൺ കരാർ അവസാനിച്ചാൽ കോസ്റ്റ സ്ഥിരം കരാറിൽ ഗ്രാമിയോയിൽ തുടരും. ഈ സീസണിൽ താരം ലോൺ അടിസ്ഥാനത്തിൽ ബയോൺ മ്യൂണിക്കിൽ കളിക്കുകയായിരുന്നു. മുമ്പ് മൂന്ന് സീസോണുകളോളം ഗ്രാമിയോക്ക് വേണ്ടി കളിച്ചിട്ടുള്ള താരമാണ് ഡഗ്ലസ് കോസ്റ്റ. 2008 മുതൽ 2010 വരെ ടീമിൽ കളിച്ച കോസ്റ്റ മികച്ച പ്രകടനമായിരുന്നു കാഴ്ചവെച്ചത്. 30കാരനായ കോസ്റ്റ അവസാന മൂന്ന് വർഷമായി യുവന്റസിനൊപ്പമായിരുന്നു.