Jannah Theme License is not validated, Go to the theme options page to validate the license, You need a single license for each domain name.
KeralaLatest NewsNews

‘പെണ്ണിനെന്താ കുഴപ്പം?’; കെ.കെ ശൈലജയെ തഴഞ്ഞതില്‍ ഗായിക സിത്താരയുടെ പ്രതികരണം ഏറ്റെടുത്ത് സോഷ്യല്‍ മീഡിയ

പോസ്റ്റ് പങ്കുവെച്ച് നിമിഷങ്ങള്‍ക്കകം തന്നെ താരം അത് പിന്‍വലിക്കുകയും ചെയ്തു

തിരുവനന്തപുരം: കെ.കെ ശൈലജയ്ക്ക് മന്ത്രിസ്ഥാനം നല്‍കാത്തതില്‍ സിപിഎമ്മിനെതിരെ പ്രതിഷേധം പുകയുന്നു. കോവിഡ് മഹാമാരിക്കിടെ കെ.കെ ശൈലജയെ മാറ്റിനിര്‍ത്തിയതിനെതിരെ സാമൂഹിക സാംസ്‌കാരിക രംഗത്തുനിന്നും നിരവധിയാളുകളാണ് വിമര്‍ശനവുമായി രംഗത്തെത്തിയത്. ഏറ്റവുമൊടുവില്‍ പിന്നണി ഗായിക സിത്താര കൃഷ്ണകുമാറാണ് ശെലജയ്ക്ക് പിന്തുണയുമായി എത്തിയിരിക്കുന്നത്.

Also Read: പ്രതീക്ഷകൾ അസ്തമിപ്പിച്ചത് പാർട്ടിയുടെ നയം; റെക്കോർഡ് ഭൂരിപക്ഷത്തിൽ വിജയിച്ച ടീച്ചറമ്മയുടെ കരുതൽ ഇനി ആരോഗ്യ മേഖലയിലില്ല

‘പെണ്ണിനെന്താ കുഴപ്പം?’ എന്നായിരുന്നു സിത്താരയുടെ ഫേസ്ബുക്ക് പോസ്റ്റ്. എന്നാല്‍ പോസ്റ്റ് പങ്കുവെച്ച് നിമിഷങ്ങള്‍ക്കകം തന്നെ താരം അത് പിന്‍വലിക്കുകയും ചെയ്തു. നിയമസഭയില്‍ മുന്‍പൊരിക്കല്‍ കെ.കെ ശൈലജ പറഞ്ഞ വാക്കുകള്‍ കടമെടുത്താണ് സിത്താര ഫേസ്ബുക്ക് പോസ്റ്റിട്ടത്. തെരഞ്ഞെടുപ്പിന് മുന്നോടിയായി സിത്താര ആലപിച്ച ഇടതുപക്ഷത്തിന്റെ പ്രചാരണ ഗാനം വൈറലായിരുന്നു.

റിമ കല്ലിങ്കല്‍, പാര്‍വതി തിരുവോത്ത്, രജിഷ വിജയന്‍, ഗീതു മോഹന്‍ദാസ് തുടങ്ങിയ നടിമാര്‍ കെ.കെ ശൈലജയെ തിരികെ കൊണ്ടുവരണമെന്ന് ആവശ്യപ്പെട്ട് രംഗത്തെത്തിയിട്ടുണ്ട്. #bringbackshailajateacher #bringourshailajateacherback എന്നീ ഹാഷ്ടാഗുകളോടെയുള്ള ക്യാമ്പയിനും പ്രശസ്തരുള്‍പ്പെടെ നിരവധിയാളുകളാണ് ഏറ്റെടുത്തിരിക്കുന്നത്.

shortlink

Related Articles

Post Your Comments

Related Articles


Back to top button