പൂക്കോട്ടുംപാടം: വാക്കുതർക്കത്തെ തുടർന്ന് യുവാവിനെ കുത്തിപരിക്കേൽപ്പിച്ച് ഒളിവിൽ പോയ പ്രതിയെ പൊലീസ് പിടികൂടിയിരിക്കുന്നു. പൂക്കോട്ടുംപാടം ഉപ്പുവള്ളി സ്വദേശി മുണ്ടമ്പ്ര ഷാഫി എന്ന വടിവാൾ ഷാഫിയെയാണ് (25) പൂക്കോട്ടുംപാടം പൊലീസ് ഇൻസ്പെക്ടർ ടി.കെ. ഷൈജു അറസ്റ്റ് ചെയ്തിരിക്കുന്നത്.
കാർവിൽപനയുമായി ബന്ധപ്പെട്ട തർക്കത്തെ തുടർന്ന് ഷാഫിയും സുഹൃത്ത് സജിലും പൂക്കോട്ടുംപാടം സ്വദേശിയെ കത്തികൊണ്ട് കുത്തി പരിക്കേൽപ്പിക്കുകയായിരുന്നു ഉണ്ടായത്. ഒളിവിൽ പോയ ഒന്നാം പ്രതി സജിലിനെ നേരത്തേ പൊലീസ് അറസ്റ്റ് ചെയ്തിരുന്നു.
നിലമ്പൂർ ഡിവൈ.എസ്.പി. കെ.കെ. അബ്ദുൾ ഷെരീഫിെൻറ നേതൃത്വത്തിൽ പ്രത്യേക അന്വേഷണ സംഘം രൂപവത്കരിച്ച് അന്വേഷിച്ചുവരവെയാണ് ചൊവ്വാഴ്ച രാത്രി എറണാകുളം തൃപ്പൂണിത്തുറയിലുള്ള ഫ്ലാറ്റിൽനിന്ന് കസ്റ്റഡിയിൽ എടുത്തത്. എ.എസ്.ഐ വി.കെ. പ്രദീപ്, സി.പി.ഒമാരായ ടി. നിബിൻദാസ്, ഇ.ജി. പ്രദീപ്, ജിയോ ജേക്കബ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്ത് തുടരന്വേഷണം നടത്തുന്നത്.
Post Your Comments