കോവിഡ്; സംസ്ഥാനത്ത് ആശങ്കാജനകമായ സാഹചര്യമെന്ന് ആരോഗ്യ വിദഗ്ദർ

തിരുവനന്തപുരം: സംസ്ഥാനത്ത് കോവിഡ് വ്യാപനം ആശങ്കാജനകമായ സാഹചര്യത്തിലെന്ന് ആരോഗ്യ വിദഗ്ദർ. കോവിഡ് രോഗികളുടെ എണ്ണം രണ്ട് ലക്ഷത്തിൽ നിന്ന് മൂന്ന് ലക്ഷത്തിലേക്ക് എത്താൻ വേണ്ടിവന്നത് അഞ്ച് ദിവസം മാത്രം. രോഗബാധിതരുടെ എണ്ണം ഇരട്ടിപ്പിക്കുന്ന സമയം 5 ദിവസമായി കുറഞ്ഞത് ആശങ്ക വർധിപ്പിക്കുന്നു എന്ന് വിദഗ്ധർ പറയുന്നു.

ഈ നില തുടർന്നാൽ പ്രതിദിന രോഗികളുടെ എണ്ണവും ചികിത്സയിലുള്ള രോഗികളുടെ എണ്ണവും 10 ദിവസം കൊണ്ട് ഇരട്ടിയിലധികം ആകുമെന്നാണ് നിരീക്ഷണം.

ഭാര്യയോടൊപ്പം അവധിക്കാലം ആഘോഷിക്കാന്‍ രണ്ട് വയസുള്ള മകനെ 18 ലക്ഷത്തിന് വിറ്റ് ഒരു പിതാവ്

സംസ്ഥാനത്ത് മാർച്ച 25ന് 2,18,893 കോവിഡ് രോഗികളാണ് ഉണ്ടായിരുന്നത്. അഞ്ച് ദിവസത്തിന് ശേഷം രോഗികളുടെ എണ്ണം 303733 എത്തി. നിലവിൽ 28 നിൽക്കുന്ന ടെസ്റ്റ് പോസിറ്റിവിറ്റി നിരക്ക് 35 ന് മുകളിൽ പോയേക്കാമെന്നും വിദഗ്ധർ വ്യക്തമാക്കുന്നു. നിലവിൽ സംസ്ഥാനത്ത് 1952 രോഗികൾ ഐസിയുവിലും 722 രോഗികൾ വെന്റിലേറ്ററിലുമായുണ്ട്.

അതേസമയം, രാ​ജ്യ​ത്തെ പ്ര​തി​ദി​ന കോ​വി​ഡ് രോ​ഗി​ക​ൾ മൂ​ന്ന​ര​ല​ക്ഷ​ത്തി​നു മു​ക​ളി​ൽ എത്തി. ക​ഴി​ഞ്ഞ 24 മ​ണി​ക്കൂ​റി​നി​ടെ 3,57,229 പേ​ർ​ക്ക് കോ​വി​ഡ് സ്ഥി​രീ​ക​രി​ച്ചു. ഇ​തോ​ടെ രാ​ജ്യ​ത്തെ ആ​കെ കോ​വി​ഡ് രോ​ഗി​ക​ളു​ടെ എ​ണ്ണം 2,02,82,833 ആ​യി. തി​ങ്ക​ളാ​ഴ്ച മാ​ത്രം 3,449 പേ​ർ മ​രി​ച്ചു. ഇ​തോ​ടെ മ​ര​ണ​സം​ഖ്യ 2,22,408 പേ​രാ​യി ഉ​യ​ർ​ന്നു.