ഡല്‍ഹി: കൊവിഡ് 19 രണ്ടാം തരംഗം അതിത്രീവമായി പടര്‍ന്നു പിടിക്കുകയാണ്. മനുഷ്യർ വീടുകളില്‍ ഒതുങ്ങിക്കൂടാൻ തുടങ്ങുകയാണ് വീണ്ടും. അതുകൊണ്ട് തന്നെ മൊബൈൽ ഫോണിന്റെ ഉപയോഗവും അധികരിച്ചിരിക്കുന്നു. ശരിയായ വാർത്തകളും തെറ്റായ വാർത്തകളും വല്ലാതെ പ്രചരിച്ചു തുടങ്ങുകയാണ് പലരും വിവരങ്ങള്‍ ഉചിതമാണെങ്കില്‍ അവ കൂടുതല്‍ കൂടുതല്‍ ആളുകളിലേക്ക് എത്തുന്നത് നല്ലതാണ്. എന്നാല്‍ വിവരങ്ങള്‍ തെറ്റാണെങ്കില്‍ വലിയ പ്രശ്‌നങ്ങളുണ്ട്. തെറ്റായ വിവരങ്ങളോ തെറ്റിദ്ധരിപ്പിക്കുന്ന വാര്‍ത്തകളോ കിംവദന്തികളോ കൂടുതല്‍ ആളുകളിലേക്ക് അതിവേഗം എത്തുന്നുവെങ്കില്‍ സര്‍ക്കാരിനും സിസ്റ്റത്തിനും അവ കൈകാര്യം ചെയ്യാനും നിരസിക്കാനും ശരിയായ വിവരങ്ങള്‍ വ്യക്തികള്‍ക്ക് കൈമാറാനും വളരെ ബുദ്ധിമുട്ടാണ്.
ഇപ്പോള്‍ നോട്ടുനിരോധനം നടന്നിട്ട് 4 വര്‍ഷത്തിലേറെയായി. എന്നാല്‍ ഇതുമായി ബന്ധപ്പെട്ട ഒരു അറിയിപ്പ് ഈ ദിവസങ്ങളില്‍ സോഷ്യല്‍ മീഡിയയില്‍ വൈറലാകുന്നു. നിരോധിച്ച പഴയ 500-1000 രൂപ നോട്ടുകള്‍ കൈമാറുന്നതിനുള്ള സമയപരിധി നീട്ടിയിട്ടുണ്ടെന്നാണ് പ്രചരിക്കുന്ന റിപ്പോര്‍ട്ട്. വിദേശ ടൂറിസ്റ്റുകളെപ്പോലുള്ള പ്രത്യേക വ്യക്തികള്‍ക്കാണ് ഈ സൗകര്യമെന്നും റിപ്പോര്‍ട്ടിലുണ്ട്. റിസര്‍വ് ബാങ്കിന്റെ ലെറ്റര്‍ഹെഡ് ഫോര്‍മാറ്റില്‍ ടൈപ്പുചെയ്ത ഒരു കത്ത് സോഷ്യല്‍ മീഡിയയില്‍ വൈറലാകുന്നുണ്ട്. 2016 ല്‍ പണമിടപാട് മൂലം നിര്‍ത്തലാക്കിയ കറന്‍സി നോട്ടുകള്‍ കൈമാറാന്‍ മറ്റൊരു അവസരം സര്‍ക്കാര്‍ നല്‍കുന്നുണ്ട് എന്നാണ് കത്തില്‍ പറയുന്നത്. ഇതില്‍ ഡിമോണിറ്റൈസ് ചെയ്ത പഴയ നോട്ടുകള്‍ കൈമാറുന്നതിനുള്ള സമയപരിധി നീട്ടിയതായി പറയപ്പെടുന്നു.
വിദേശത്തു നിന്നുള്ള സഞ്ചാരികള്‍ക്കും ഇതേ സൗകര്യമുണ്ട്. 2016 നവംബറിലെ ഡീമോണിറ്റൈസേഷനില്‍ പഴയ 500, 1000 രൂപ നോട്ടുകള്‍ ഉപേക്ഷിച്ചു. പിന്നീട് പുതിയ 500 നോട്ടുകള്‍ വിതരണം ചെയ്തപ്പോള്‍ 1000 രൂപ നോട്ടുകള്‍ നിര്‍ത്തലാക്കി. എന്നാല്‍ നോട്ടുകള്‍ മാറിയെടുക്കാന്‍ അനുവദിച്ച സമയപരിധി അവസാനിച്ചിട്ട് വര്‍ഷങ്ങളായി എന്നതാണ് വാർത്തയുടെ യാഥാർഥ്യം.
Post Your Comments