തിരുവനന്തപുരം : തിരുവനന്തപുരം മണ്ഡലത്തിൽ വിജയം ഉറപ്പെന്ന് എൻഡിഎ സ്ഥാനാർഥി കൃഷ്ണകുമാർ. മണ്ഡലത്തിലെ തീരദേശ മേഖലകളിൽ അടക്കം ലീഡ് നേടും. വികസന മുരടിപ്പിനും അഴിമതിക്കും ജനം മറുപടി നൽകും. എതിർ സ്ഥാനാർഥികൾ എല്ലാം തുല്യ ശക്തികളാണെന്നും കൃഷ്ണ കുമാർ കൂട്ടിച്ചേർത്തു.
കഴിഞ്ഞ ദിവസം കൃഷ്ണകുമാർ ജയിച്ചാൽ തിരുവനന്തപുരം മണ്ഡലത്തിലെ ജനങ്ങള്‍ ജയിച്ചതുപോലെയാണെന്ന് അദ്ദേഹത്തിന്റെ ഭാര്യയും നടിയുമായ സിന്ധു കൃഷ്ണ പറഞ്ഞിരുന്നു. കൃഷ്ണകുമാറിനെ തോൽപിച്ചാൽ എല്ലാവരും വീണ്ടും തോൽക്കുമെന്നും സിന്ധു കൃഷ്ണ പറഞ്ഞു.
നമ്മുടെ ഈയൊരു മണ്ഡലത്തിലെ അവസ്ഥവച്ച് കൃഷ്ണകുമാർ ജയിച്ചുകഴിഞ്ഞാൽ ഒരുപാട് കാര്യങ്ങൾ പരിഹരിക്കാൻ സാധിക്കും. കേന്ദ്രത്തിൽ നിന്നാണ് ഫണ്ട് വരുന്നത്. അപ്പോൾ ഒരുപാട് വികസനങ്ങൾ ഉണ്ടാകും. മറ്റ് പാർട്ടിയിലെ ആളുകൾ ജയിച്ചാല്‍ പഴയ സ്ഥിതി തന്നെ തുടരുമെന്നും സിന്ധു കൃഷ്ണ പറഞ്ഞിരുന്നു.
Post Your Comments