ആലപ്പുഴ: ആഴക്കടലിന് ശേഷം പിണറായി സര്‍ക്കാരിനെ വെട്ടിലാക്കി വീണ്ടും പ്രതിപക്ഷ നേതാവ് രമേശ് ചെന്നിത്തല. ഇരട്ട വോട്ടിലെ നേട്ടത്തിന് പിന്നാലെ സംസ്ഥാനത്ത് വൈദ്യുതി വിപണ രംഗത്ത് പുതിയ അഴിമതി ആരോപണവുമായി പ്രതിപക്ഷ നേതാവ് രമേശ് ചെന്നിത്തല. 25 കൊല്ലം അദാനിക്ക് ജനങ്ങളെ പിഴിയാന്‍ വഴിയൊരുക്കിയിരിക്കുകയാണെന്നാണ് ആരോപണം. 300 മെഗാവാട്ട് വൈദ്യുതി കൂടിയ വിലയ്ക്ക് അദാനിയില്‍ നിന്ന് വാങ്ങാനുള്ള എഗ്രിമെന്റാണ് വച്ചിരിക്കുന്നതെന്നും ഇത് ബിജെപിയുമായി ചേര്‍ന്നുള്ള അഴിമതിയാണെന്നും ചെന്നിത്തല ആരോപിച്ചു.
25 വര്‍ഷം കെഎസ്ഇബി അദാനിയില്‍ നിന്ന് കൂടിയ വിലയ്ക്ക് വൈദ്യുതി വാങ്ങുന്നത് വഴി അദാനിക്ക് ആയിരം കോടി രൂപയുടെ ലാഭമാണുണ്ടാകുന്നതെന്ന് ചെന്നിത്തല ആരോപിക്കുന്നു.അഞ്ച് ശതമാനം വൈദ്യുതി പാരമ്പര്യേതര ഊര്‍ജ്ജ സ്രോതസുകളില്‍നിന്നും വാങ്ങണമെന്ന കേന്ദ്ര സര്‍ക്കാര്‍ നിര്‍ദേശത്തിന്‍റെ മറവിലാണ് വൈദ്യുതികൊള്ള നടത്തുന്നതെന്ന് പ്രതിപക്ഷ നേതാവ് പറഞ്ഞു.കാറ്റില്‍നിന്നുള്ള വൈദ്യുതിക്ക് ഒരു യൂണിറ്റിന് രണ്ട് രൂപ മാത്രമായിരിക്കെ അദാനിയില്‍നിന്നും സംസ്ഥാനം യൂണിറ്റിന് 2.82 രൂപയ്ക്കാണ് വാങ്ങുന്നത്.
ഇതിലൂടെ 1000 കോടി രൂപയുടെ അധിക ലാഭമാണ് അദാനിക്ക് ലഭിക്കുന്നത്. ഒരു രൂപയ്ക്ക് ജലവൈദ്യുതി ലഭിക്കുമ്ബോഴാണ് കേരളം അദാനിയുടെ കാറ്റില്‍നിന്നുള്ള വൈദ്യുതി വാങ്ങുന്നതെന്നും ശ്രദ്ധേയമാണ്.കാറ്റില്‍നിന്നുള്ള വൈദ്യതി ഉദ്പാദിപ്പിക്കുന്ന പ്രധാന കമ്പനി അദാനിയുടെ ആയതിനാലാണ് കേരളം പാരമ്പര്യേതര ഊര്‍ജ്ജ സ്രോതസായി കാറ്റില്‍നിന്നുള്ള വൈദ്യുതി വാങ്ങാന്‍ തീരുമാനിക്കുന്നത്. ലോകത്ത് ഒരിടത്തും നിലവില്‍ ദീര്‍ഘകാല കരാര്‍ ഇല്ലെന്നിരിക്കെ അദാനിയുമായി 25 വര്‍ഷത്തെ കരാറിലാണ് ഏര്‍പ്പെടുന്നത്. ഇതും ദീര്‍ഘകാല കൊള്ളയ്ക്കു വഴിയൊരുക്കലാണ്.
read also: മലപ്പുറത്ത് കിണറ്റില്‍ നിന്ന് വെള്ളമെടുത്തതിന് അച്ഛനെ ക്രൂരമായി മര്‍ദിച്ച മകനും മരുമകളും അറസ്റ്റില്‍
അദാനിയും സംസ്ഥാന സര്‍ക്കാരും തമ്മില്‍ കള്ള കച്ചവടമാണിതെന്നും പിണറായി വിജയനും അദാനിയും തമ്മില്‍ കൂട്ടുകെട്ടുണ്ടെന്നും ചെന്നിത്തല ആരോപിക്കുന്നു.നിതിന്‍ ഗഡ്ക്കരി മാത്രമല്ല മോദി പിണറായി – മോദി ബന്ധത്തിന്റെ ഇടനിലക്കാരന്‍. ഗഡ്കരിയെക്കാള്‍ ശക്തനായ മോദിയുടെ അടുത്ത സുഹൃത്ത് അദാനിയാന്നു ലാവ് ലിന്‍ കേസ് ഉല്‍പ്പടെയുള്ള കാര്യങ്ങളില്‍ പിണറായിയെ സഹായിക്കുന്നത് എന്നത് വ്യക്തമാക്കുന്നന്നതാണു കോടികള്‍ സര്‍ക്കാരിനു നഷുപ്പടുത്തുന്ന ഈ കരാര്‍ എന്ന് ചെന്നിത്തല ആരോപിക്കുന്നു.
Post Your Comments