പാനൂർ; സ്കൂട്ടറിൽ യാത്ര ചെയ്യുകയായിരുന്ന അധ്യാപിക അണിയാരം കിളച്ച പറമ്പത്ത് ലീഷ്മയുടെ മുഖത്ത് മുളക് പൊടി വിതറി സ്വർണമാല പൊട്ടിച്ചെടുക്കാൻ ശ്രമിച്ച യുവാവിനെ പ്രതിരോധിച്ച് കീഴ്‌പ്പെടുത്തി നാട്ടുകാരുടെ സഹായത്തിൽ പൊലീസിൽ ഏൽപ്പിച്ചിരിക്കുന്നു. അണിയാരം ശിവക്ഷേത്രത്തിനു സമീപം കാക്രോട്ട് മുക്കിലാണ് ഞെട്ടിക്കുന്ന സംഭവം ഉണ്ടായിരിക്കുന്നത്. കുന്നോത്തുപറമ്പിലെ വീട്ടിലേക്ക് പോകുകയായിരുന്ന ലീഷ്മയോട് ബൈക്കിലെത്തിയ യുവാവ് വഴി അന്വേഷിക്കാനെന്ന വ്യാജേന തടഞ്ഞു നിർത്തിയാണ് അതിക്രമം കാട്ടിയിരിക്കുന്നത്.
മാലയുടെ ഒരു ഭാഗം മോഷ്ടാവിന്റെ കൈക്കലായെങ്കിലും അധ്യാപിക തടഞ്ഞു വച്ച് ബഹളമുണ്ടാക്കി. അതു വഴി വന്ന കാർ യാത്രക്കാരും ഓടിക്കൂടിയ നാട്ടുകാരും ചേർന്ന് ഇയാളെ പിടികൂടിയിരിക്കുന്നു. കോഴിക്കോട് നരിക്കുനി കീഴരിയൂർ കഴുക്കല്ലൂർ സ്വദേശി അൻഷാദ് സമനാണ് (20) പിടിയിലായത്. ചൊക്ലി പൊലീസ് അറസ്റ്റ് ചെയ്തിരിക്കുന്നു. യുവാവിന്റെ ബൈക്കിൽ നിന്ന് മറ്റൊരു സ്വർണമാലയും ചെന്നൈയിലേക്ക് റിസർവ് ചെയ്ത റെയിൽ ടിക്കറ്റും പൊലീസ് കണ്ടെടുത്തു. കഴുത്തിന് പരുക്കേറ്റ ലീഷ്മ ചൊക്ലിയിലെ സ്വകാര്യ ആശുപത്രിയിൽ ചികിത്സ തേടി.
Post Your Comments