ചെന്നൈ: കേന്ദ്ര സര്‍ക്കാറിന്‍റെ പൗരത്വ ഭേദഗതി നിയമം തമിഴ്നാട്ടില്‍ നടപ്പാക്കില്ലെന്ന് പ്രഖ്യാപിച്ച് ഡി.എം.കെയുടെ മുഖ്യമന്ത്രി സ്ഥാനാര്‍ഥി എം.കെ സ്റ്റാലിന്‍. ഏപ്രില്‍ ആറിന് നിയമസഭ തെരഞ്ഞെടുപ്പ് നടക്കാനിരിക്കവേയാണ് സ്റ്റാലിന്‍റെ പരാമര്‍ശം. ജോളര്‍പേട്ടില്‍ തെരഞ്ഞെടുപ്പ് പരിപാടിയില്‍ പ്രസംഗിക്കവേയായിരുന്നു സ്റ്റാലിന്‍റെ പരാമര്‍ശം. എ.ഐ.ഡി.എം.കെ തെരഞ്ഞെടുപ്പ് അടുത്തപ്പോള്‍ നാടകം കളിക്കുകയാണെന്നും ഞങ്ങള്‍ ആദ്യം മുതലേ സി.എ.എയെ എതിര്‍ത്തവരാണെന്നും സ്റ്റാലിന്‍ പറഞ്ഞു.
Also Read:മോദിയെ വരവേല്‍ക്കാന്‍ പ്രമാടം ഒരുങ്ങുന്നു; വിജയ് റാലിയില്‍ സസ്‌പെന്‍സുമായി ബിജെപി
”ഞാന്‍ ഉറപ്പുനല്‍കുന്നു. നമ്മള്‍ അധികാരത്തിലെത്താന്‍ പോകുന്നുവെന്നതിന് സംശയമൊന്നുമില്ല. നമ്മള്‍ അധികാരത്തിലെത്തിയാല്‍ സി.എ.എ തമിഴ്നാട്ടില്‍ നടപ്പാക്കില്ല.
ഇത് സ്റ്റാലിന്‍ നല്‍കുന്ന ഉറപ്പാണ്” -സ്റ്റാലിന്‍ പറഞ്ഞു. പൗരത്വ ബില്ലിനെതിരെ പാര്‍ലമെന്‍റില്‍ പ്രതിഷേധിച്ച കാര്യവും സ്റ്റാലിന്‍ ഇതിനോടൊപ്പം കൂട്ടിച്ചേര്‍ത്തു.
Post Your Comments