ബംഗാളിൽ തെരഞ്ഞെടുപ്പ് പ്രചാരണം ശക്തമാക്കി ബി.ജെ.പി ദേശീയ നേതാക്കൾ. കേന്ദ്ര ആഭ്യന്തര മന്ത്രി അമിത് ഷാ ബംഗാളിൽ നടന്ന റോഡ് ഷോയിൽ പങ്കെടുത്തു. ബി.ജെ.പി നേതാവ് സുവേന്ദു അധികാരിയും മമത ബാനർജിയും നേർക്കുനേർ മത്സരിക്കുന്ന നന്ദിഗ്രാമിലാണ് അമിത് ഷാ പ്രചാരണം നടത്തിയത്. നന്ദിഗ്രാമിൽ നിന്ന് സുവേന്ദു അധികാരി വാൻ ഭൂരിപക്ഷത്തിൽ വിജയിക്കുമെന്നും അമിത് ഷാ പറഞ്ഞു.
‘ബി.ജെ.പി നന്ദിഗ്രാമിൽ സുവേന്ദു അധികാരിയുടെ ജയം ഉറപ്പിച്ചിരിക്കുകയാണ്. കഴിഞ്ഞ മൂന്ന് ദിവസമായി മമത നന്ദിഗ്രാമിൽ പ്രചാരണം നടത്തുകയാണ് ണ്. ഈ തെരഞ്ഞെടുപ്പ് തൃണമൂലിനെ എത്രമാത്രം പ്രതിസന്ധിയിലാക്കിയെന്ന് ഇതോടെ വ്യക്തമായിരിക്കുകയാണ്’. അമിത് ഷാ പറഞ്ഞു.
ബംഗാൾ മാറ്റത്തിനായി തയ്യാറായിരിക്കുകയാണെന്നും, ബംഗളിൽ ഇത്തവണ ബി.ജെ.പിഭരണത്തിലെത്തുമെന്നും നന്ദിഗ്രാം അതിനുള്ള വഴി കാണിക്കുമെന്നും അദ്ദേഹം പറഞ്ഞു. മമത ബാനർജിയുടെ അടുത്ത് നിന്നും അഞ്ച് കിലോമീറ്റർ ദൂരെ ഒരു പെൺകുട്ടി പീഡിപ്പിക്കപ്പെട്ടിരിക്കുകയാണെന്നും, മമതയുടെ സാന്നിധ്യത്തിൽ പോലും പെൺകുട്ടികൾ പീഡിപ്പിക്കപ്പെടുകയാണെങ്കിൽ എപ്രകാരമാണ് സ്ത്രീ സുരക്ഷ ഉറപ്പ് നൽകാൻ സാധിക്കുക എന്ന് അദ്ദേഹം ചോദിച്ചു.
Post Your Comments