ട്വന്റി-20 യുടെ മത്സരം ബാധിക്കുക ഈ മുന്നണിയെ, റിപ്പോർട്ടുകൾ കാണാം

കൊച്ചി: നിയമസഭാ തെരഞ്ഞെടുപ്പിൽ യുഡിഎഫ്, എൽഡിഎഫ്-എൻഡിഎ മുന്നണികൾക്കൊപ്പം തന്നെ കേരളം ഏറ്റവും സൂക്ഷ്മമായി നിരീക്ഷിക്കുന്നതും ചർച്ച ചെയ്യുന്നതും ട്വന്റി -20 യുടെ മത്സരമാണ്. തദ്ദേശ തെരഞ്ഞെടുപ്പിൽ നേടിയ മിന്നും വിജയം നിയമസഭാ തെരഞ്ഞെടുപ്പിൽ ആവർത്തിക്കുമോ എന്നാണ് എല്ലാവരും ഉറ്റുനോക്കുന്നത്.

മൂന്ന് മുന്നണികൾക്കും കടുത്ത വെല്ലുവിളിയാണ് ട്വന്റി -20 ഉയർത്തുന്നത്. എറണാകുളത്ത് ട്വന്റി -20 എട്ട് സ്ഥാനാർത്ഥികളെ മത്സരിപ്പിക്കുന്നുണ്ട്. ഈ മത്സരങ്ങൾ ഏത് മുന്നണിയെയാകും ഏറ്റവും കൂടുതൽ ബാധിക്കുകയെന്നാണ് ഏഷ്യാനെറ്റ് ന്യൂസ് സീ വോട്ടര്‍ സർവെ പറയുന്നത്.

read also: ലോ​ക്ക് ഡൗ​ണ്‍ പ്ര​ഖ്യാ​പി​ക്കാതെ ആൾക്കൂട്ടം നിയന്ത്രിച്ചും സ​മ​ര​ങ്ങ​ള്‍ നി​രോ​ധിച്ചും ക​ര്‍​ണാ​ട​ക സ​ര്‍​ക്കാ​ര്‍

യുഡിഎഫിനെ എന്നാണ് 41 ശതമാനം പേരും അഭിപ്രായപ്പെട്ടത്. എൽഡിഎഫിനെ എന്ന് 28 ശതമാനം പേർ മാത്രം അഭിപ്രായപ്പെട്ടപ്പോൾ എൻഡിഎയെ എന്ന് ആറ് ശതമാനം പേർ അഭിപ്രായപ്പെട്ടു. എന്നാൽ ഇപ്പോൾ അഭിപ്രായം പറയാനാകില്ലെന്നാണ് 25 ശതമാനം പേർ പറഞ്ഞത്.