ന്യൂഡൽഹി : ബംഗ്ലാദേശ് സന്ദർശനത്തിന്റെ സന്തോഷം പങ്കുവെച്ച് പ്രധാനമന്ത്രി നരേന്ദ്ര മോദി. കൊറോണ വ്യാപനത്തിന് ശേഷമുള്ള ആദ്യത്തെ വിദേശ സന്ദർശനമാണ് ഇതെന്ന് പ്രധാനമന്ത്രി ട്വിറ്ററിൽ കുറിച്ചു. വെള്ളിയാഴ്ചയാണ് ദ്വിദിന സന്ദർശനത്തിനായി പ്രധാനമന്ത്രി ബംഗ്ലാദേശിൽ എത്തുന്നത്.
യാത്രയ്ക്ക് മുന്നോടിയായി ബംഗ്ലാദേശ് പ്രധാനമന്ത്രി ഷെയ്ഖ് ഹസീനയുമായി പ്രധാനമന്ത്രി ടെലിഫോണിൽ ബന്ധപ്പെട്ടിരുന്നു. ഇതിന് പിന്നാലെയായിരുന്നു ട്വീറ്റ്. കൊറോണയുടെ പശ്ചാത്തലത്തിലുളള ആദ്യ വിദേശയാത്ര സുഹൃത്ത് രാജ്യമായ ബംഗ്ലാദേശിലേക്ക് ആയതിൽ അതിയായ സന്തോഷമുണ്ട്. ബംഗ്ലാദേശുമായി ആഴമേറിയ സാംസ്‌കാരിക, ഭാഷാപരമായ, ബന്ധമുളള രാജ്യമാണ് ഇന്ത്യ- പ്രധാനമന്ത്രി ട്വിറ്ററിൽ കുറിച്ചു.
Post Your Comments