കാറില്‍ കടത്തുന്നതിനിടെ മൂന്ന് ചാക്ക് ഹാന്‍സുമായി രണ്ടുപേര്‍ അറസ്റ്റില്‍. പട്ടാമ്പി വല്ലപ്പുഴ ചാത്തങ്കുളം വീട്ടില്‍ ഫഹദ് റെജി (30), പാലക്കാട് നെല്ലായ എഴുവന്തല കളത്തില്‍ വീട്ടില്‍ മുഹമ്മദ് ഷറഫുദ്ദീന്‍ (37) എന്നിവരെയാണ് ചാവക്കാട് പൊലീസ് പിടികൂടിയത്. രഹസ്യവിവരത്തെ തുടര്‍ന്ന് ചാവക്കാട് കോടതി പരിസരത്തുവെച്ചാണ് കാര്‍ പിടികൂടിയത്. പൊതുവിവണിയില്‍ 1.70 ലക്ഷം രൂപ വിലവരുന്ന പുകയില ഉല്‍പന്നമാണ് കസ്റ്റഡിയില്‍ എടുത്തത്.
ചാവക്കാട് എസ്.എച്ച്‌.ഒ കെ.പി. ജയപ്രസാദിന്റെ നേതൃത്വത്തില്‍ നടത്തിയ പരിശോധനയിലാണ് വാഹനത്തിന്റെ ഡിക്കിയില്‍നിന്ന് 4260 പാക്കറ്റ് ഹാന്‍സ് പിടികൂടിയത്. എസ്.ഐമാരായ സി.കെ. നൗഷാദ്, സി.കെ. രാജേഷ്, കെ. ഓമനക്കുട്ടന്‍, എ.എസ്.ഐമാരായ സജിത്ത്, ബാബു, സി.പി.ഒമാരായ സിനീഷ്, ശരത്ത്, ആശിഷ് എന്നിവരടങ്ങുന്ന പൊലീസ് സംഘമാണ് പ്രതികളെ കസ്റ്റഡിയില്‍ എടുത്തത്. തെരഞ്ഞെടുപ്പുമായി ബന്ധപ്പെട്ട് ചാവക്കാട് പൊലീസ് വിപുലമായ വാഹന പരിശോധനയാണ് മേഖലയില്‍ നടത്തുന്നത്.
Post Your Comments