കോല്‍ക്കത്ത: മുന്‍ തൃണമൂല്‍ നേതാവ് സുവേന്ദു അധികാരിയുടെ പിതാവ് സിസിര്‍ അധികാരി ബിജെപിയിലേക്കെന്ന് സൂചന. റിപ്പോർട്ടുകൾ സത്യമെങ്കിൽ തൃണമൂല്‍ കോണ്‍ഗ്രസില്‍നിന്നും ബിജെപിയിലേക്ക് ചേരുന്ന മുതിർന്ന നേതാവായിരിക്കും സിസിർ. ശനിയാഴ്ച ബിജെപി നേതാവ് മന്‍സുഖ് മാണ്ഡവിയയുമായി സിസിര്‍ അധികാരി കൂടിക്കാഴ്ച നടത്തി. തൃണമൂലിൽ നിന്നും ബിജെപിയിൽ ചേരുന്നതിൻ്റെ ഭാഗമായിട്ടാണ് ഈ കൂടിക്കാഴ്ചയെന്നാണ് സൂചനകൾ.
ബിജെപി മുന്‍ അധ്യക്ഷനും ആഭ്യന്തരമന്ത്രിയുമായ അമിത് ഷാ പങ്കെടുക്കുന്ന പുര്‍ബ മെദിനിപുരിലെ റാലിയില്‍ സിസിര്‍ അധികാരിയും ചേരുമെന്നാണ് കരുതുന്നത്. ബിജെപിയുമായി ചര്‍ച്ച നടത്തിയെന്ന് സിസിര്‍ അധികാരിയുടെ മകനും തൃണമൂല്‍ എംപിയുമായ ദിബിയേന്ദു സ്ഥിരീകരിച്ചു. സിസിർ കൂടി ബിജെപിയിലേക്ക് ചേരുന്നതോടെ, പോകുന്നത് ഒരു നേതാവ് മാത്രമല്ലെന്നും അവരെ അകമഴിഞ്ഞ് സ്നേഹിക്കുകയും വിശ്വസിക്കുകയും ചെയ്യുന്ന ജനങ്ങളാണെന്നും റിപ്പോർട്ടുകൾ. തൃണമൂലിൽ നിന്നും ഇത്രയധികം നേതാക്കൾ ബിജെപിയിൽ ചേർന്നതിൻ്റെ ഞെട്ടലിലാണ് മമത ബാനർജി.
Post Your Comments