അത്ലാന്റികോ മാഡ്രിഡിനെ തകർത്ത് ചെൽസി ക്വാർട്ടറിൽ

യുവേഫ ചാമ്പ്യൻസ് ലീഗിൽ അത്ലാന്റികോ മാഡ്രിഡിനെ പരാജയപ്പെടുത്തി ചെൽസി ക്വാർട്ടറിൽ. പ്രീക്വാർട്ടറിലെ ആദ്യ പാദത്തിലേറ്റ തോൽവിയ്ക്ക് പകരം ചോദിക്കാൻ ചെൽസിയുടെ സ്റ്റാംഫോർഡ് ബ്രിഡ്ജിലെത്തിയ അത്ലാന്റികോ മാഡ്രിഡിനെ ഏകപക്ഷികമായ രണ്ട് ഗോളുകൾക്കാണ് പരാജയപ്പെടുത്തിയത്. നേരത്തെ ആദ്യ പാദത്തിൽ 1-0ന്റെ വിജയം നേടിയ ചെൽസി ഇരുപാദങ്ങളിലുമായി 3-0ന്റെ വിജയം സ്വന്തമാക്കി. 2014ന് ശേഷം ആദ്യമായാണ് ചെൽസി ചാമ്പ്യൻസ് ലീഗിന്റെ ക്വാർട്ടറിൽ എത്തുന്നത്.

ചെൽസിക്ക് വേണ്ടി ആദ്യ പകുതിയിൽ ഹകീം സീയെചാണ്(34) ഗോൾ നേടിയത്. മത്സരത്തിന്റെ 81-ാം മിനുട്ടിൽ അത്ലാന്റികോ മാഡ്രിഡ് താരം സാവിച്ച് ചുവപ്പ് കാർഡ് കണ്ട് പുറത്തുപോയതോടെ 10 പേരുമായാണ് അത്ലാന്റികോ മാഡ്രിഡ് മത്സരം പൂർത്തിയാക്കിയത്. തുടർന്ന് ഇഞ്ചുറി ടൈമിൽ പകരക്കാരനായി ഇറങ്ങിയ എമേഴ്സൺ(90+4) തന്റെ ആദ്യ ടച്ചിൽ തന്നെ ഗോൾ നേടി ക്വാർട്ടർ ഉറപ്പിച്ചു.