കാസര്‍കോട് : കോന്നിയിലും മഞ്ചേശ്വരത്തും മത്സരിക്കുന്ന ബി .ജെ. പി സംസ്ഥാന അദ്ധ്യക്ഷന്‍ കെ. സുരേന്ദ്രന്‍ പ്രചാരണത്തിന് ഹെലികോപ്ടർ ഉപയോഗിക്കും. ഇരുമണ്ഡലങ്ങളിലെ പ്രചാരണത്തിന് പുറമെ മുഴുവന്‍ മണ്ഡലങ്ങളിലും സാന്നിധ്യം ഉണ്ടാകേണ്ട സാഹചര്യത്തില്‍ കാറിലോ ട്രെയിനിലോ യാത്ര ചെയ്താല്‍ മതിയാകില്ലെന്ന് കണ്ടാണ് കേന്ദ്ര നേതൃത്വം ഹെലികോപ്ടര്‍ നല്‍കിയത് .
മഞ്ചേശ്വരം മണ്ഡലത്തില്‍ തിരഞ്ഞെടുപ്പ് കമ്മറ്റി ഓഫീസ് ഉദ്ഘാടനം ചെയ്യുന്നതിന് എത്തിയതും സ്ഥാനാര്‍ത്ഥി പ്രഖ്യാപനം കഴിഞ്ഞതിന് ശേഷം നാല് മണിയോടെ അദ്ദേഹം കോഴിക്കോട്ടേക്ക് മടങ്ങിയതും ഹെലികോപ്ടറില്‍ തന്നെയായിരുന്നു. അപ്രതീക്ഷിതമായി നായകന്‍ ഹെലികോപ്ടല്‍ പറന്നിറങ്ങിയത് മഞ്ചേശ്വരത്തെ ബി .ജെ .പി പ്രവര്‍ത്തകരെ ആവേശത്തിലാഴ്ത്തി. സുരേന്ദ്രന്‍ ഇന്ന് കോന്നിയില്‍ എത്തും
Post Your Comments