ബോളിവുഡ് നടി തപ്സി പന്നുവിന്‍റെയും സംവിധായകൻ അനുരാഗ് കശ്യപിന്റെയും വീടുകളിലും ഓഫീസുകളിലും ആദായനികുതി വകുപ്പ് പരിശോധന നടത്തിയതുമായി ബന്ധപ്പെട്ട് രാജ്യത്ത് വിവാദം പുകയുകയാണ്. സംഭവത്തിൽ തപ്സി പന്നുവിന്‍റെ കാമുകനും ഇന്ത്യൻ ബാഡ്മിന്‍റൺ കോച്ചുമായ മത്തിയാസ് ബോ ട്വിറ്ററിൽ പ്രതികരിച്ചിരുന്നു.
‘ഒരു ചെറിയ കുഴപ്പത്തിൽ പെട്ടിരിക്കുകയാണ്. ചില മികച്ച അത്ലറ്റുകളുടെ പരിശീലകനെന്ന നിലയിൽ ഞാൻ ആദ്യമായി ഇന്ത്യയെ പ്രതിനിധീകരിക്കുകയാണ്. അതേസമയം, നാട്ടിൽ ഐ.ടി വകുപ്പ് തപ്സിയുടെ വീട് റെയ്ഡ് ചെയ്യുന്നു. അത് അവളുടെ കുടുംബത്തിനും പ്രത്യേകിച്ച് അവളുടെ മാതാപിതാക്കളിലും അനാവശ്യമായ സമ്മർദ്ദം ഉണ്ടാക്കുകയാണ് ‘ എന്നായിരുന്നു മാത്തിയാസിന്റെ ട്വീറ്റ് . ഒപ്പം കേന്ദ്ര കായിക മന്ത്രി കിരൺ റിജിജുവിനോട് ഇക്കാര്യത്തിൽ എന്തെങ്കിലും ചെയ്യണമെന്നും അപേക്ഷിച്ചു.
വൈകാതെ കിരൺ റിജിജുവിന്‍റെ മറുപടിയുമെത്തി. ‘ദേശത്തിന്‍റെ നിയമം പരമോന്നതാണ്. നാം അത് പാലിച്ചിരിക്കണം. വിഷയം നിങ്ങളുടെയും എന്‍റെയും പ്രവർത്തനമേഖലക്ക് പുറത്തുള്ളതാണ്. ഇന്ത്യൻ കായിക മേഖലയുടെ നല്ലതിനായി നമുക്ക് നമ്മുടെ പ്രഫഷണൽ ചുമതലകളിൽ ഉറച്ചുനിൽക്കാം’. എന്നായിരുന്നു അദ്ദേഹം മറുപടിയായി കുറിച്ചത്.
Post Your Comments