ചെന്നെ: നിയമസഭാ തിരഞ്ഞെടുപ്പില്‍ മത്സരിക്കാന്‍ ആഗ്രഹിക്കുന്നവരാണെങ്കിൽ 25,000 രൂപ നല്‍കി അപേക്ഷ വാങ്ങി പൂരിപ്പിച്ച്‌ നല്‍കിക്കോളൂ. കമല്‍ഹാസന്‍റെ മക്കള്‍ നീതി മയ്യം തമിഴ്നാട്-പുതുച്ചേരി തെരഞ്ഞെടുപ്പില്‍ പാര്‍ട്ടി സ്ഥാനാര്‍ഥിയാവാന്‍ ആഗ്രഹിക്കുന്നവരില്‍ നിന്ന് ഓണ്‍ലൈന്‍ വഴി അപേക്ഷ ക്ഷണിച്ചു. ഞായറാഴ്ച മുതലാണ് അേപക്ഷ ക്ഷണിച്ചത്.
പാര്‍ട്ടി പ്രവര്‍ത്തകര്‍ക്കും അല്ലാത്തവര്‍ക്കും അപേക്ഷ നല്‍കാം. സ്ഥാനാര്‍ഥ്വത്തിന് സാധ്യതയുള്ളവര്‍ പാര്‍ട്ടി ടിക്കറ്റിന് പരിഗണിക്കപ്പെടണമെങ്കില്‍ 25000 രൂപ നല്‍കണമെന്നും മക്കള്‍ നീതി മയ്യം പറയുന്നു. തമിഴ്നാട്ടിലും പുതുച്ചേരിയിലും മെയിലാണ് തെരഞ്ഞെടുപ്പ് നടക്കുക. മക്കള്‍ നീതി മയ്യത്തിന് ബാറ്ററി ടോര്‍ച്ച്‌ ചിഹ്നം ലഭിച്ചതായി കമല്ഹാസന് അറിയിച്ചു. കഴിഞ്ഞ മാസം വലത് കാലിന്‍റ അസ്ഥിക്ക് നടത്തിയ ശസ്ത്രക്രിയക്ക് പിന്നാലെയുണ്ടായ നേരിയ അണുബാധയില്‍ നിന്ന് മുക്തനായിക്കൊണ്ടിരിക്കുകയാണ് താരം. ‘തമിഴ്നാട്ടിലെ 234 നിയോജക മണ്ഡലങ്ങളിലേക്ക് ടോര്‍ച്ച്‌ ലൈറ്റ് ചിഹ്നം അനുവദിച്ചു കിട്ടിയിരിക്കുകയാണ്’ -കമല്ഹാസന് ട്വീറ്റ് ചെയ്ത വിഡിയോ സന്ദേശത്തില്‍ വ്യക്തമാക്കി.
Read Also: സിപിഐയുമായി ഉടക്കി കനയ്യ കുമാര്‍; ഇന്ത്യന്‍ ചെഗുവേര ജെഡിയു‍വിലേയ്‌ക്കോ?
2019ലെ ലോക്സഭ തെരഞ്ഞെടുപ്പിലും ബാറ്ററി ടോര്‍ച്ച്‌ ചിഹ്നമായിരുന്നു കമലഹാസന്റെ പാര്‍ട്ടിക്ക് ലഭിച്ചത്. 3.77 ശതമാനം വോട്ട് പങ്കാളിത്തമായിരുന്നു അന്ന് ലഭിച്ചത്. ചില നഗര പ്രദേശങ്ങളില്‍ 10 ശതമാനം വരെ വോട്ട് പങ്കാളിത്തം നേടിയിരുന്നു. തെരഞ്ഞെടുപ്പ് സഖ്യം, സ്ഥാനാര്‍ഥികളുടെ തെരഞ്ഞെടുപ്പ് ഉള്‍പ്പെടെയുള്ള തന്ത്രങ്ങള്‍ കൈക്കൊള്ളാന്‍ സ്ഥിരം അധ്യക്ഷനായ കമല്‍ഹാസനെ തന്നെ നിയോഗിച്ചിരിക്കുകയാണ്.
Post Your Comments