മകളുടെ വിവാഹ നിശ്ചയ മുഹൂർത്തത്തിൽ പുതുക്കാട് സേവാഭാരതിക്ക് 12 സെൻ്റ് ഭൂമി ദാനം ചെയ്ത് ഒരച്ഛൻ. അയ്യഞ്ചിറ ഗംഗാധരൻ മകൻ ബാബുവാണ് നല്ലൊരു മാതൃകയായിരിക്കുന്നത്. ബാബുവിൻ്റെ ഇളയ മകളായ അമൃതപ്രിയയും പ്രതിശ്രുത വരനായ ആദർശും ചേർന്ന് ഭൂമിയുടെ രേഖകൾ സേവാഭാരതിക്ക് കൈമാറി.
കുടുംബ പ്രബോധൻ സംസ്ഥാന സംയോജക് സി കെ ചന്ദ്രൻ, സേവാഭാരതി തൃശൂർ ജില്ലാ ജനറൽ സെക്രട്ടറി ഹരിദാസ് എന്നിവരുടെ സാന്നിധ്യത്തിലായിരുന്നു ശുഭകാര്യം നടന്നത്. ചുരുങ്ങിയ കാലം കൊണ്ട് തന്നെ മികച്ച സേവനം കാഴ്ചവച്ച സേവാഭാരതിയുടെ വിശ്വാസ്യതയ്ക്കുള്ള അംഗീകാരമാണിതെന്ന് ഏവരും പറയുന്നു.
തുക്കാട് സേവാഭാരതി പ്രസിഡന്റ് ശിവദാസ് എ കെ, സെക്രട്ടറി മിറാജ് പി ആർ, ട്രഷറർ രവിചന്ദ്രൻ ടി കെ, രാഷ്ട്രീയ സ്വയം സേവക സംഘം പുതുക്കാട് ഖണ്ഡ് വിദ്യാർത്ഥി പ്രമുഖ് വി ആർ അജിത്ത് എന്നിവർ ചടങ്ങിൽ സന്നിഹിതരായി.
Post Your Comments