ഗു​ണ്ട​സം​ഘ​ങ്ങ​ൾ ത​മ്മി​ലു​ണ്ടാ​യ ഏ​റ്റു​മു​ട്ട​ലി​ൽ ഏ​ഴു പേർക്ക് പരിക്ക്

കൂ​ത്തു​പ​റ​മ്പ്: നി​ർ​മ​ല​ഗി​രി​ക്ക​ടു​ത്ത മൂ​ന്നാം​പീ​ടി​ക​യി​ൽ ഗു​ണ്ട​സം​ഘ​ങ്ങ​ൾ ത​മ്മി​ലു​ണ്ടാ​യ ഏ​റ്റു​മു​ട്ട​ലി​ൽ ഏ​ഴു​പേ​ർ​ക്ക് പരിക്കേറ്റിരിക്കുന്നു. ക​ഴി​ഞ്ഞ​ദി​വ​സം രാ​ത്രി 11.30 ടെ​യാ​ണ് സം​ഭ​വം ഉണ്ടായിരിക്കുന്നത്. ബോം​ബെ​റി​ഞ്ഞ് ഭീ​തി പ​ര​ത്തി​യ​ശേ​ഷം വ​ടി​വാ​ൾ, ക​മ്പി​പ്പാ​ര, ഇ​ടി​ക്ക​ട്ട തു​ട​ങ്ങി​യ മാ​ര​കാ​യു​ധ​ങ്ങ​ളു​മാ​യി സം​ഘാം​ഗ​ങ്ങ​ൾ ഏറ്റുമുട്ടുകയായിരുന്നു ഉണ്ടായത്. സ്വർണക്കടത്തുമായി ബ​ന്ധ​പ്പെ​ട്ട പ​ണ​മി​ട​പാ​ടാ​ണ് സംഘർഷത്തിലേക്ക് ന​യി​ച്ച​തെ​ന്ന് പൊ​ലീ​സ്​ പറഞ്ഞു.

സം​ഭ​വ​വു​മാ​യി ബ​ന്ധ​പ്പെ​ട്ട് ക​ണ്ടേ​രി സ്വ​ദേ​ശി​ക​ളാ​യ ന​വാ​സ് മ​ൻ​സി​ലി​ൽ പി.​കെ. അ​ർ​ഷാ​ദ്, ശ്രീ​നി​ല​യ​ത്തി​ൽ എം.​വി. ശ്രീ​രാ​ജ് എ​ന്നി​വ​രെ കൂ​ത്തു​പ​റ​മ്പ് എ​സ്.​ഐ പി. ​ബി​ജുവിന്റെ നേതൃത്വത്തിലുള്ള പോലീസ് സംഘം പിടികൂടി. ആ​ക്ര​മി​ക​ൾ ഉ​പ​യോ​ഗി​ച്ച ആ​യു​ധ​ങ്ങ​ൾ സം​ഭ​വ​സ്ഥ​ല​ത്തു​നി​ന്ന്​ ക​ണ്ടെ​ടു​ത്തി​ട്ടു​ണ്ട്. സു​നി​ൽ​കു​മാ​ർ, ശ​ർ​മി​ഷ്, അ​ഫ്സ​ർ, സ​ജി​ത്ത്, സ​ജി​ൽ എന്നിവർ വി​വി​ധ സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ​യി​ലാ​ണ്. ഇ​തി​ൽ മൂ​ന്നു​പേ​ർ​ക്ക് വെ​ട്ടേ​റ്റി​ട്ടു​ണ്ടെ​ന്നാ​ണ് സൂ​ച​ന ലഭിക്കുന്നത്. പ​രി​ക്കേ​റ്റ​വ​രി​ൽ ഒ​രാ​ളു​ടെ മു​ൻ​വ​ശ​ത്തെ മു​ഴു​വ​ൻ പ​ല്ലു​ക​ളും കൊ​ഴി​ഞ്ഞ നി​ല​യി​ലാ​ണു​ള്ള​ത്. മ​റ്റു​ള്ള​വ​രു​ടെ എ​ല്ല് പൊ​ട്ടി​യ​തോ​ടൊ​പ്പം സം​ഘാം​ഗ​ങ്ങ​ളി​ൽ ഒ​രാ​ളു​ടെ മൂ​ക്കിൻറെ പാ​ലം ത​ക​ർ​ന്നി​ട്ടു​മു​ണ്ട്.