ദമ്പതികൾ സഞ്ചരിച്ചിരുന്ന കാർ കായലിൽ വീണു, യുവതി മരിച്ചു

ചെറായി: ദമ്പതികൾ സഞ്ചരിച്ചിരുന്ന കാർ കായലിൽ വീണു. തിങ്കളാഴ്ച രാത്രിയോടെ രക്തേശ്വരി ബീച്ച് റോഡിൽ ഉണ്ടായ അപകടത്തിൽ യുവതി ദാരുണമായി കൊല്ലപ്പെട്ടു. ആലങ്ങാട് കോട്ടപ്പുറം തേക്കും പറമ്പിൽ അബ്ദുല്‍ സലാമിന്റെ ഭാര്യ സബീന (35) ആണ് മരിച്ചത്‌. എറണാകുളത്തു നിന്നും ചെറായി ബീച്ചിലേക്ക് സഞ്ചരിച്ച ഇവരുടെ കാറിനു കുറുകെ തെരുവ് നായ ചാടിയതോടെ നിയന്ത്രണം വിട്ട് കായലിലേക്ക് മറിയുകയായിരുന്നു ഉണ്ടായത്. ആശുപത്രിയിൽ പ്രവശിപ്പിച്ച ഭർത്താവ് അപകടനില തരണം ചെയ്തു.