ട്രാക്റ്ററിലെ കുഷ്യനിട്ട സോഫയിലിരിക്കുന്ന രാഹുൽ ഗാന്ധി: വിമർശനവുമായി മന്ത്രി ഹർദീപ് പുരി

ഹരിയാന: കേന്ദ്ര സർക്കാരിന്റെ കാർഷിക നയങ്ങൾക്കെതിരെ ​കോൺ‌​ഗ്രസ് നേതാവ് രാഹുൽ ​ഗാന്ധി നയിക്കുന്ന ട്രാക്റ്റർ റാലിക്കെതിരെ സിവിൽ ഏവിയേഷൻ മന്ത്രിയായ ഹർദീപ് പുരി. രാഹുൽ ​ഗാന്ധി ട്രാക്റ്ററിൽ ഇരിക്കുന്ന ചിത്രങ്ങൾ പങ്കുവച്ച് ട്രാക്റ്ററിലെ കുഷ്യനിട്ട സോഫകൾ പ്രതിഷേധമല്ല എന്നാണ് അദ്ദേഹം വ്യക്തമാക്കിയത്. കോൺ​ഗ്രസിന്റെ പ്രതിഷേധ പ്രകടനങ്ങൾ കർഷകരെ വഴിതെറ്റിക്കുന്നതിനുള്ള ശ്രമമാണ്. ട്രാക്റ്ററുകളിലെ കുഷ്യനുള്ള സോഫ പ്രതിഷധമല്ല. ഇത് കർഷരെ വഴി തെറ്റിക്കാനുള്ള പ്രതിഷേധ ടൂറിസം മാത്രമാണെന്നും മന്ത്രി ചൂണ്ടിക്കാട്ടി. ട്രാക്റ്റർ ഡ്രൈവറുടെ വശത്തായി കുഷ്യനിട്ട സോഫയിൽ ​രാഹുൽ​ഗാന്ധി ഇരിക്കുന്ന ചിത്രങ്ങൾ ചൂണ്ടിക്കാണിച്ചാണ് ഹർദീപ് പുരിയുടെ ട്വീറ്റ്.

Read also: ഐ ഫോണ്‍ താൻ വാങ്ങിയിട്ടില്ലെന്ന് തെളിഞ്ഞു: നിയമനടപടിയുമായി മുന്നോട്ടുപോകുമെന്ന് രമേശ് ചെന്നിത്തല

കാർഷിക നിയമത്തിൽ പ്രതിഷേധിച്ച് പഞ്ചാബിൽ മൂന്നു ദിവസത്തെ റാലിയാണ് രാഹുൽ ​ഗാന്ധി സംഘടിപ്പിച്ചത്.ഹരിയാനയിലും പഞ്ചാബിലും സംഘടിപ്പിച്ച പ്രതിഷേധ റാലിയിൽ ലക്ഷക്കണക്കിന് കർഷകർ തെരുവിലിറങ്ങിയിരുന്നു.

The ‘protest’ launched by Congress is a political protest by those whose vested interests are hurt by the #FarmBills.

Cushioned sofas on tractors is not a protest.

It is ‘Protest Tourism’ to misguide our farmers who are educated & intelligent to see through this facade. pic.twitter.com/MiYz7IndYf

— Hardeep Singh Puri (@HardeepSPuri) October 5, 2020