അബുദാബി: കിംഗ്‌സ് ഇലവണ്‍ പഞ്ചാബിനെതിരെ മുംബൈ ഇന്ത്യന്‍സിനു 48 റണ്‍സ് ജയം. നായകന്‍ രോഹിത് ശര്‍മയും അവസാന ഓവറുകളില്‍ കെയ്‌റോണ്‍ പൊളാര്‍ഡും ഹര്‍ദിക് പാണ്ഡ്യയും കൊളുത്തിയ വെടിക്കെട്ട് ബാറ്റിംഗിനുശേഷം ജയിംസ് പാറ്റിംഗ്‌സണും ജസ്പ്രീത് ബുമ്രയും രാഹുല്‍ ചഹാറും ചേര്‍ന്നു പഞ്ചാബിനെ എറിഞ്ഞിട്ടു.
മുംബൈ ഉയര്‍ത്തിയ 192 റണ്‍സ് വിജയലക്ഷ്യം പിന്തുടര്‍ന്ന പഞ്ചാബിന് എട്ട് വിക്കറ്റ് നഷ്ടത്തില്‍ 143 റണ്‍സ് മാത്രമാണ് നേടാനായത്. പഞ്ചാബിനായി 27 പന്തില്‍ 44 റണ്‍സ് നേടിയ നിക്കോളാസ് പുരനാണ് ടോപ് സ്കോറര്‍. ലോകേഷ് രാഹുല്‍ 17 റണ്‍സും മയങ്ക് അഗര്‍വാള്‍ 25 റണ്‍സും നേടി.
മുംബൈയ്ക്കായി ജയിംസ് പാറ്റിംഗ്‌സണും ജസ്പ്രീത് ബുമ്രയും രാഹുല്‍ ചഹാറും രണ്ട് വിക്കറ്റ് വീതം വീഴ്ത്തി. ബോള്‍ട്ടും കുനാല്‍ പാണ്ഡ്യയും ഓരോ വിക്കറ്റ് വീതവും വീഴ്ത്തി.
Post Your Comments