5 കിലോയിലധികം കഞ്ചാവുമായി വിമാനത്താവളത്തില്‍ പിടിക്കപ്പെട്ട മത്സ്യത്തൊഴിലാളി ദുബായ് കോടതിയില്‍ വിചാരണ നേരിടുന്നു. പബ്ലിക് പ്രോസിക്യൂഷന്‍ രേഖകള്‍ പ്രകാരം മാര്‍ച്ച് എട്ടിന് 34 കാരനായ ഏഷ്യന്‍കാരന്‍ 5.6 കിലോഗ്രാം കഞ്ചാവ് കടത്താന്‍ ശ്രമിച്ചപ്പോളാണ് പിടിക്കപ്പെട്ടത്. കര്‍ശന ശിക്ഷ നല്‍കണമെന്ന് അഭ്യര്‍ത്ഥിച്ച് ദുബായ് പബ്ലിക് പ്രോസിക്യൂഷന്‍ മത്സ്യത്തൊഴിലാളിയെ വിചാരണയ്ക്ക് വിധിച്ചു.
എക്‌സ്-റേ മെഷീനിലൂടെ പ്രതിയുടെ ബാഗേജ് കടന്നുപോകുമ്പോള്‍ ഉദ്യോഗസ്ഥര്‍ക്ക് സംശയം തോന്നിയതായി കസ്റ്റംസ് ഇന്‍സ്‌പെക്ടര്‍ പറഞ്ഞു. ‘ദുബായ് അന്താരാഷ്ട്ര വിമാനത്താവളത്തിലെ ടെര്‍മിനല്‍ 1 ല്‍ ഞാന്‍ ഡ്യൂട്ടിയിലായിരുന്നു. പ്രതി സ്വന്തം നാട്ടില്‍ നിന്ന് വരുമ്പോള്‍. അയാളുടെ ലഗേജിന്റെ ഭാഗമായ ഒരു കാര്‍ഡ്‌ബോര്‍ഡ് പെട്ടിയില്‍ വിചിത്രമായ ഒരു വസ്തു കണ്ടു. അദ്ദേഹം ക്ലെയിം പോയിന്റില്‍ എത്തുന്നതുവരെ ഞങ്ങള്‍ അതില്‍ ശ്രദ്ധിച്ചിരുന്നു. തുടര്‍ന്ന് പ്രതിയെ വിളിപ്പിച്ച് ബാഗ് തിരഞ്ഞു. തുടര്‍ന്ന് 5 കിലോയില്‍ കൂടുതല്‍ ഭാരമുള്ള കഞ്ചാവ് അടങ്ങിയ ഭക്ഷണ ബാഗുകള്‍ കണ്ടെത്തിയെന്നും കസ്റ്റംസ് ഇന്‍സ്‌പെക്ടര്‍ പറഞ്ഞു.
തുടര്‍ന്ന് ഇയാളെ ജനറല്‍ ഡയറക്ടറേറ്റ് ഓഫ് നാര്‍ക്കോട്ടിക്‌സില്‍ റഫര്‍ ചെയ്യുകയും കഞ്ചാവ് പിടിച്ചെടുക്കുകയും ചെയ്തു. പിടിച്ചെടുത്ത കഞ്ചാവ് 5.6 കിലോഗ്രാം ഭാരമുണ്ടെന്ന് ഫോറന്‍സിക് വകുപ്പ് റിപ്പോര്‍ട്ട് സ്ഥിരീകരിച്ചു. മത്സ്യത്തൊഴിലാളിയ്‌ക്കെതിരായ കേസില്‍ സെപ്റ്റംബര്‍ 21 ന് ശിക്ഷ വിധിക്കും.
Post Your Comments